পত্থম 2:4 - Chakma Bible

^4-5 সৃট্টির পরেদি আগাজ্‌চান আর পিতথিমীয়ানর কধা: লগেপ্রভু গোজেনে যেক্কে আগাজ্‌চান আর পিতথিমীগান্ বানেল সেক্কে পিতথিমীয়ানর বুগোত্‌ শোজ্য জাদর্‌ কনঅ গাছ-বাশ ন-এলাক্ আর ক্ষেত্‌-ক্ষেত্তিয়ো জর্মানা আরম্ভ ন-অয়, কিত্তে সেক্কেয়ো তে পিতথিমীয়ান উগুরে ঝড় পড়িবার যুক্কোল ন-গরে। সিয়েনবাদে ভূইয়োত্‌ চাষ-বাজর্‌ কাম্‌ গুরিবাত্তে কনঅ মানুচ্‌অ ন-এলাক্।

পত্থম 2:4 Iomraidhean Croise

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

পত্থম 1:31

গোজেনে তার নিজোর বানেইয়্যে বেক্কানি চেলঅ। সিয়েনি ঘেচ্ছেক্‌গুরি জদবদে দোল্‌ ওইয়্যে। এধোক্ক্যেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ ছঅ দিনোত্‌ ।

পত্থম 10:1

ইবে অলঅ নোহর পুয়ো শেম, হাম আর যেফত বংশর কধা। পানি বান পরেদি তারারঅ পুয়ো ওইয়োন্।

পত্থম 11:10

ইয়েন অলঅ শেম বংশর কধা। পানি বান দ্বিবজর পরেদি যেক্কে শেমর বয়জ্‌ একশ বজর সেক্কে তার পুয়ো অর্ফক্‌ষদরে জর্ম অলঅ।

পত্থম 2:3

এ সাত দিন্‌নোরে তে বর্ দিইনে নিজোত্যে ফারক্‌ গুরিলো, কিত্তে সে দিনোত্‌ তে কনঅ সৃট্টির কাম ন-গুরিলো।

পত্থম 25:12

সারার চাগরানী মিসরীয় হাগার পেদত্‌ অব্রাহামর পুয়ো ইশ্মায়েলর জর্ম ওইয়্যে।

পত্থম 25:19

ইয়েন অলঅ অব্রাহামর পুয়ো ইস্‌হাকর জীংকানির বিজগ কধা। অব্রাহামর পুয়ো ইস্‌হাক।

পত্থম 36:1

ইয়েন্‌ অলঅ এষৌর, অত্তাৎ ইদোম বংশগুনো কধা।

পত্থম 36:9

ইয়েন অলঅ সেয়ীরো মুড়ো-মুড়ি চাগালাত্‌‌ ইদোমীয়গুনোর আগ মানুজ্‌ এষৌ বংশর কধা।

পত্থম 5:1

ইবে অলঅ আদম বংশগুনোর্ কধা। মানুচ্‌ সৃট্টি গুরিবার অক্তত্‌ গোজেনে তারে তা নিজো ধোক্ক্যেন গুরি বানেল;

১ রাজাবলী 18:39

ইয়েন্‌ দেগিনে মানুচ্চুনে মাদিত্‌ আদু পাড়ি পড়িনে রঅ ছাড়িনে কলাক্‌, “লগেপ্রভুই গোজেন, লগেপ্রভুই গোজেন।”

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

ইয়োব 38:28

ঝড়র্ কি বাপ্ আঘে? কন্না শিরোপানি ফুদোগুনোর জর্ম দিয়্যে?

ইয়োব 38:4

মুই পিত্‌থিমীর গড়াগান থিদেবর্ গুরিবার অক্তত্ তুই কুদু এলে? যুনি তর্ বুদ্ধি থায় সালে কঅ।

গীতসংহিতা 18:31

লগেপ্রভু বাদে গোজেন আর্ কন্না আঘে? আমা গোজেনে বাদে আর কি কনঅ আশ্রয়-মুড়ো আঘে?

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

যাত্রা 15:3

তা নাঙান লগেপ্রভু, তে বীর যোদ্ধা।

যাত্রা 6:16

জর্ম অনুসারে লেবির পূয়োগুন্‌ অলাক গের্শোন, কহাৎ আর মরারি। লেবি একশ সাত্রিশ বজর্‌ বাঁজি এলঅ।

যিশাইয় 44:6

লগেপ্রভু, যিবে ইস্রায়েলর রাজা আর উদ্ধোরগুরিয়্যে, যিবে বেগত্তুন্ খেমতাবলা লগেপ্রভু, তে এ কধাগান কোইয়্যেদে, “মুয়ই পত্তম আর মুয়ই শেজ্; মুই বাদে আর কনঅ গোজেন নেই।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 11:17

“বেগত্তুন্ খেমতাবলা প্রভু গোজেন, তুই আঘচ্ আর তুই আগে এলে। আমি তরে ভালেদি জানেই, কিত্যেই তুই তর্ দাঙর্ খেমতালোই রাজাগিরি গত্তে আরাম্ভ গোজ্জ্যস্।

ফগদাং পেইয়্যে 16:5

পানি উগুরে যে স্বর্গদূত্‌তোর খেমতা এলঅ মুই তারে এ কধাগান কধে শুনিলুং: “ও পবিত্র, তুই আঘচ্ আর তুই এলে। তুই ন্যায়বান, কিয়া তুই এই সাজাগানি দুয়োচ্।