পত্থম 19:8 - Chakma Bible

⁸ চঅ, মর্‌ দ্বিবে ঝি আগন্‌। তারা কনদিন্‌অ কনঅ মরদ সমারে ন-থান্‌। তারারে মুই তমা ইধু নিগিলেনে আনঙর্‌। তারা সমারে তমার্‌ যিয়েন হুজি গরঅ, মাত্তর্‌ এ মানুচ্চুনোরে কিচ্ছু ন-গোজ্য, কিত্তে তারা মঅ ঘরত্‌ আশ্রয় নেযেয়োন।

পত্থম 19:8 Iomraidhean Croise

পত্থম 18:5

তমার্‌ এ চাগরবো ইধু যেক্কে এচ্চো সালে মুই কিজু হানা আনংগোই, সেক্কে বল্‌ ভোরেইনে তুমি আরঅ যেই পারিবা।।” জোবত্ তারা কলাক্, ঠিগ্ আঘে, তুই যিয়েন গম মনে গরচ্‌ সিয়েন গর্‌।

পত্থম 19:7

মঅ ভেইয়ুন মুই তমারে কোজোলী গরঙর্‌, তুমি এ বাবোত্যে বজং কাম্‌ ন-গোজ্য।

পত্থম 42:37

সেক্কে রূবেণে তা বাবরে কলঅ, “মুই যুনি বিন্যামীনরে তঅ মুজুঙোত্‌ ফিরেই আনি ন-পারং সালে তুই মর্‌ দ্বিবে পুয়োরে মারে ফেলেচ্‌। বিন্যামীনরে তুই মঅ আদত্‌ ছাড়ি দে, মুই তারে তইধু ফিরেই আনিম।”

যাত্রা 32:22

জোবত্‌ হারোণে কলঅ, “তুই রাগ ন-গুরিচ্‌, তুই দঅ হবর্‌ পাজ্ ভান্ন্যেয়দি এই মানুচ্চুনোর অভ্যেস্‌।”

গম্ উপদেজ্ 9:7

ঠাট্টা-ঈচ্ গুরিয়্যেবোরে যে ঠিগ্ গুরিবাত্তে যায় তে অগমান অয়; পাজি মানুচ্চুনোর দুজ্‌ছানি যে দেগেই দে তারে সে পাজি মানুচ্চো দুষি বানায়।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

মার্ক 9:6

তে আর অন্যগুনে অমকদ দোরেয়োন্দে যে তে হবর্ ন-পেদঅ কি কোইয়্যে।

রোমীয় 3:8

গম্ ওইয়্যে, সালে কি আমি এ কধাগান্ কবং, “যেই, আমি ভান্ন্যেই কাম্ গুরিই যাতে সেই ভান্ন্যেয়র্ মাধ্যমে গম্ জিনিস্‌‌‌‌চান এই পারে”? কনঅ কনঅ মান্‌জ্যে আমারে বদ্‌‌নাঙ্ গুরিনে কন্, আমি এ বাবোত্যে কধা কোই থেই। তারার্ পাওনা সাজা তারা পেবাক্।

বিচের গুরিয়্যেগুন 19:23

সেক্কে ঘরঅ গিরোজ্‌সো বারেন্দি নিগিলিনে তারারে কলঅ, “না,না, মঅ ভেইয়ুন; তমারে কোজোলী গরঙর্‌, এধোক্কেন্‌ পাজী কাম্‌ তুমি ন-গোজ্য। এ মানুচ্চো মঅ গর্বা; এ বজং কামান্‌ তুমি ন-গোজ্য।

বিচের গুরিয়্যেগুন 19:24

মঅ গাবুজ্যে ঝিবো আর গর্বাবোর দ্বিতীয় ঘরঅ মোক্কো ইয়োত্‌ আঘে। মুই ইক্কিনে তারারে তমাইদু নিগিলেই আনঙর্‌। তুমি তারার্‌ ইজ্জত খেই দুয়ো আর তমার্‌ যিয়েনি মনে হয় সিয়েনই তারা উগুরে গরঅ, মাত্তর্‌ এ মানুচ্চো উগুরে তুমি এ বজং কামান ন-গোজ্য।”

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।