পত্থম 18:1 - Chakma Bible

¹ অব্রাহামে যেক্কে মম্রির্ এলোন ঝার কায়কুরে বজত্তি গুরিদো সেক্কে লগেপ্রভু একদিন্যে তাইধু দেগা দিলো। অব্রাহামে সেদিন্যে দিবুজ্যে রোদোত্‌ তা তাম্বুলো দোরানত্‌ বুয়োই এলঅ।

পত্থম 18:1 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 13:18

সেক্কে অব্রামে তা তাম্বুলান তুলি নেযেল আর হিব্রোণ চাগালার্‌ মম্রি নাঙে এক্কো মান্‌জোর্‌ এলোন ঝার কুরে সিয়েন ঠাঙেল। সিয়েনত্‌অ তে লগেপ্রভুর নাঙে এক্কো ডালিপূজো বানেল।

পত্থম 14:13

পরেদি এক্কো মানুচ্‌ ধেই এইনে ইব্রীয় অব্রামরে সে হবরান্‌ দিলো। অব্রামে সে অক্তত্‌ ইমোরীয় মম্রির্ এলোন ঝাড় কায়কুরে বজত্তি গুরিদো। মম্রি এলদে ইষ্কোল আর আনের ভেই। অব্রাম লগে ইগুনে সমাজ্যে ধোক্ক্যেন এলাক্‌।

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 17:22

অব্রাহাম লগে কধা কনা থুম্‌ গুরিনে গোজেনে তা কায় কুরেত্তুন্‌ উগুরেন্দি উদি গেলঅ।

পত্থম 18:22

সেক্কে অন্য দ্বিজনে ঘুরিনে সদোম ইন্দি আঢি যাদন্‌ আর অব্রাহামে লগেপ্রভু মুজুঙোত্ ঠিয়েই রলঅ।

পত্থম 20:1

পরেদি অব্রাহামে মম্রিত্তুন্‌ নেগেভ নাঙে দোগিণে ধূল্যেচর-চাগালা মোক্ক্যেন্দি গেলঅ। সিয়েনত্‌ তে কাদেশ শঅর আর শূরর সংমোধ্যে এক্কান জাগাত্‌ বজত্তি গরা ধুরিলো। সিয়েনত্তুন্‌ তে কয়েক দিনোত্তে গরার শঅরত্‌ যেইনে থেলঅ।

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 35:27

যেরেদি যাকোবে কিরিয়ৎ-অর্বর, অত্তাৎ হিব্রোণ ইধু মম্রি শহরত্‌ তা বাপ্পো ইস্‌হাক ইধু এলঅ। এ চাগালাত্ অব্রাহাম আর ইস্‌হাকে বজত্তি গুরিদাক্‌।

পত্থম 48:3

সে পরেদি যাকোব যোষেফরে কলঅ, “বেগত্তুন্ খেমতাবলা গোজেন কনান দেজর্ লূস শঅরত্‌ মরে দেগা দিইনে বর্ দিয়্যে।”

২ বংশধর 1:7

সে রেদোত্‌ গোজেনে শলোমন ইদু লুমিনে তারে কলঅ‌, “তুই মইদু যিয়েনি চেবে মুই সিয়েনি তরে দিম্‌।”

যাত্রা 4:1

এ কধাগানর্‌ জোবত্‌ মোশি কলঅ, “মাত্তর্‌ যুদি ইস্রায়েলীয়গুনে মরে বিশ্বেজ্ ন-গরন আর মঅ কধানি ন-শুনোন্? তারা দঅ কোই পারিদাক্, ‘না, লগেপ্রভু তরে দেগা নঅ-দে।’”

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

ইব্রীয় 13:2

গর্বাগুনোরে আদর-যত্তন্ গত্তে পুরি ন-ফেলেয়ো; কেঅ কেঅ কোই ন-পারিনে এবাবোত্যেগুরি স্বর্গদূত্‌তুনোরে আদর-যত্তন্ গোজ্জ্যন্।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”