পত্থম 17:4 - Chakma Bible

⁴ তে কলঅ, “তত্তে মর্‌ এ সুদোমত্‌ মর্‌ যিয়েনি গুরিবার আঘে সিয়েনি এবাবোত্যে: তুই ভালোক্কুন জাদর্‌ বাপ্‌ অবে।

পত্থম 17:4 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 16:10

তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 25:23

লগেপ্রভু তারে কলঅ, “তঅ পেদত্‌ দ্বিবে আলাদা জাদর্‌ আরম্ভ ওইয়্যে, জর্মত্তুন্‌ ধুরি তারা দ্বিবে আলাদা বংশ অবাক্‌। এক্কোত্তুন্‌ আরঅ এক্কো বেশ্‌ বোলী অবাক্, দাঙর্‌বো চিগোন্‌ ভেইবোর্‌ চাগর্‌ অবঅ।”

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 32:12

মাত্তর্‌ তুই দঅ কোইয়োচ্‌, মুই হামাক্কায়্‌ তরে ভালেদ্ গুরিম আর তঅ বংশর্‌ মানুচ্চুনোরে সাগর পার ধুল্যেচর ধোক্ক্যেন গুরিম্‌ যিগুন্‌ গুণিনে শেজ্ গরা ন-যায়।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 48:19

মাত্তর্‌ তা বাবে সেক্কে আবিত্তি জানেইনে কলঅ, “মুই সিয়েন্‌ হবর্‌ পাং বাবা, মুই দঅ হবর্‌ পাং। তেয়ো দাঙর্ অবঅ আর তা বংশ মানুচ্চুনে এক্কো জাদ্ ওইনে উদিবাক্। মাত্তর্‌ তা চিগোন্‌ ভেইবো তাত্তুন্‌ বেশ্‌ দাঙর্‌ অবঅ আর্‌ তা বংশ মানুচ্চুনো ভিদিরেত্তুন্‌ ভালোক্কুন্‌ জাদ্ উদিবাক্।”

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।