পত্থম 17:1 - Chakma Bible

¹ অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 17:1 Iomraidhean Croise

পত্থম 12:1

পরেদি লগেপ্রভু অব্রামরে কলঅ, তুই তর্‌ নিজো দেজচান, তঅ কুদুম্মোগুন্‌ আর তঅ বাবর্ ঘর-দুয়োর্‌ ছাড়িনে মুই যে দেজ্‌চান দেগেই দিম্‌ সে দেজচানত্‌ যাহ্।

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 16:16

অব্রামর ছিয়েশি বজর্‌ বয়জত্‌ ইশ্মায়েলর জর্ম ওইয়্যে।

পত্থম 18:1

অব্রাহামে যেক্কে মম্রির্ এলোন ঝার কায়কুরে বজত্তি গুরিদো সেক্কে লগেপ্রভু একদিন্যে তাইধু দেগা দিলো। অব্রাহামে সেদিন্যে দিবুজ্যে রোদোত্‌ তা তাম্বুলো দোরানত্‌ বুয়োই এলঅ।

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

পত্থম 24:40

তে মরে কলঅ, লগেপ্রভু, যিবেরে মুই মানং, তেয়ই তার গম্‌ দূত্তোরে তঅ সমারে পাধেই দিবো যেনে তঅ যাত্রাবো দোল্‌ অয়্‌। সেক্কে তুই মঅ বাবঅ ঘরত্‌ যেইনে মর্‌ নিজো মানুচ্চুনো ভিদিরেত্তুন্‌ এক্কো মিলেরে মর্‌ পুয়োবোত্তে বেঈ নেযেই-পারজ্‌।

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 43:14

বেগত্তুন্‌ খেমতাবলা গোজেনে যেন সে মানুচ্চো ইধু তমারে দোয়্যে দেগায়, আর তমা সে ভেইবো আর বিন্যামীনরেয়ো তমা আদত্‌ ইরি দে; আর যুনি মত্তুন পুয়ো আরেয়্যে উয়ো পরেদে অয়্‌ সালে নয়ত সিয়েনোই অলুং।”

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

পত্থম 48:15

সে পরেদি তে যোষেফরে বর্ দিইনে কলঅ, “সেই গোজেন, যিবের মনে মন্‌‌জক্কাগুরি মর্‌ পূরোণি মানুজ্‌ অব্রাহাম আর ইস্‌হাকে চলিদো, মঅ জীংকানির্‌ পোইল্যেত্তুন্‌ ধুরি এচ্চ্যে সং যিবে মরে য়েমান্‌ চোড়েয়্যে ধোক্ক্যেন পালেই এজের্‌,

পত্থম 48:3

সে পরেদি যাকোব যোষেফরে কলঅ, “বেগত্তুন্ খেমতাবলা গোজেন কনান দেজর্ লূস শঅরত্‌ মরে দেগা দিইনে বর্ দিয়্যে।”

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

পত্থম 5:24

ইয়েনর পরেদি তারে আর্‌ দেগা ন-গেলঅ। গোজেন লগে তার উদো-লোলি এলঅ বিলিই গোজেনে তারে নিজো ইধু নেযেল।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ রাজাবলী 8:25

ইক্কিনে ও ইস্রায়েলর গোজেন লগেপ্রভু, তঅ চাগর মঅ বাপ্পো দায়ূদো ইদু তুই যে শমক্কান্ গোজ্যস সিয়েন রোক্ষ্যে গর্‌। তুই কোইয়োচ্ছে যুনি তা পূঅগুনে তা ধোক্ক্যেন গুরি তারার বেক্‌ কামানিত্‌ তঅ আওজ্ মজিম্‌ চলজ্‌ সালে ইস্রায়েলর সিংহাসনত্‌ বুজিবাত্তে তা বংশত্‌ মান্‌জ্যর অভাব ন-অবঅ।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 11:7

গোজেনর গুমুরো পৌইদ্যেনে গভীনান্‌ কত্তমান্‌ সিয়েন্‌ কি তুই বুঝি পারচ্‌? বেগত্তুন্‌ খেমতাবলা গোজেনর দুজি কত্তমান্ সিয়েন্‌ কি তুই বিজিরে চেই পারচ্‌?

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 116:9

মুই জেদা মানুচ্চুনো ভিদিরেত্তুন্ লগেপ্রভুর মুজুঙোত্ আদাউদো গুরিম।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

মথি লেখ্যে গম্ হবর্ 5:48

ইয়েনত্তে কং, তমা স্বর্গর্ বাপ্পো যেবাবোত্যে খাটি তুমিয়ো সেবাবোত্যে খাটি অ।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

দ্বি’লম্বর বিররণ 18:13

তমার গোজেন লগেপ্রভুর মুজুঙোত্‌ তমাত্তুন নিদ্দুষী থাহ্ পুরিবো।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।