পত্থম 16:5 - Chakma Bible

⁵ সেক্কে সারী অব্রামরে কলঅ, “মঅ উগুরে তার এ কামানিত্তে আজলে তুয়ই দায়ী। মর্‌ এ চাগরানীবোরে মুই তঅ বিচ্ছোনত্‌ তুলি দুয়োং, মাত্তর্‌ ইক্কিনে পিদিলী ওইয়্যে হবর্‌ পেইনে তে মরে ইংসে গরা আরাম্ভ গুরিলো। সালে তর্‌ আর মঅ ভিদিরে কন্না দুষী সিয়েন্‌ ইক্কিনে লগেপ্রভু বিচের গোরোক্‌।”

পত্থম 16:5 Iomraidhean Croise

পত্থম 16:4

অব্রামে হাগার ইধু গেলে পরেদি তে পিদিলী অলঅ। যেক্কে হাগারে বুঝি পারিলো, তে পিদিলী ওইয়্যে সেক্কে তে তা গিরোজ মোক্কোরে ইংসে-নিন্দে গরা ধুরিলো।

পত্থম 31:53

সিয়েন্‌ গুরিলে অব্রাহামর গোজেন আর নাহোরর্‌ আর তারা বাবর্‌ দেবদাগুনে যেন আমারে বিচের গরন।” মাত্তর্‌ যাকোবে তা নাঙে শমত্‌ খেলঅ যিবে তার বাপ্‌‌‌‌পো ইস্‌হাকর ভোত্তির্ মানুচ্ এলঅ।

২ বংশধর 24:22

সখরিয় বাপ্পো যিহোয়াদা রাজা যোয়াশ উগুরে যে বিশ্বেজ্‌ছান্‌ দেগেয়্যে সিয়েন্‌ যোয়াশে মনত্‌ ন-রাগেইনে তা পুয়োবোরে মারে ফেলেল। সখরিয় মুরি যেবার অক্তত্‌ কোইয়্যেদে, “লগেপ্রভু এ কামান্‌ দেগিনে তরে সাজা দিবো।”

গীতসংহিতা 35:23

মর্ গোজেন, প্রভু মর্, তুই চেদন্ অ, মর্ পক্ষ অ, মর্ পক্ষেদি কধা কঅ।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 7:8

লগেপ্রভু যেনে তারারে বিচের্ গরে। ও লগেপ্রভু, মর্ ন্যায় কাম্ আর গম্ কাম মজিম্ তুই মরে বিচের্ গর্।

যাত্রা 5:21

পরিচালক্কুনে তারারে কলাক্, লগেপ্রভু যেন তমারে সাজা-দে, কিত্তে ফরৌণে আর তা কাম্‌গুরিয়্যেগুনো ইধু তুমি আমারে একবাবোত্যে ঈচ্ গরেদে ধোক্ক্যেন গোজ্য, আর সেনে আমারে মারে ফেলেবার্‌ তলোয়ারানি তারা আঢত্‌ তুলি দুয়োন্‌।

যিরমিয় 51:35

সিয়োনর আদাম্মেগুনে কদন্, “আমা কিয়্যেনি উগুরে যে অত্যেচার গরা ওইয়্যে সিয়েনি বাবিল উগুরেয়ো গরা ওক্। যিগুনে বাবিলোত্ বজত্তি গরন্ আমা লোগানিত্তে তারা দায়ী থাদোক্।”

বিচের গুরিয়্যেগুন 11:27

এ পৌইদ্যেনে মুই তঅ উগুরে কনঅ অন্যেয় ন-গরং, বরং মঅ বিরুদ্ধে যুদ্ধো গুরিনে তুয়ই মঅ উগুরে অন্যেয় গোজ্যচ্‌। বিচেরর গিরোজ্ লগেপ্রভু ইক্কিনে ইস্রায়েলীয় আর অম্মোনীয়গুনো ভিদিরে বিচের্‌ গুরিবো।”

১ শমূয়েল 24:16

দায়ূদোর কধানি থুম্‌ অনার্‌ পরেন্দি শৌল কলদে, “বাবা দায়ূদ, ইয়েনি কি তুয়ই কধা কর্‌?” ইয়েনি কোইনে তে দাঙর্‌ দাঙর্‌ গুরি কানা ধুরিলো।