পত্থম 15:2 - Chakma Bible

² অব্রামে কলঅ, “ও লগেপ্রভু, মর্‌ প্রভু, তুই মরে কি দিবে? মর্‌দঅ কনঅ ঝি-পুয়ো নেই। মর্‌ মরাণার্‌ পরেদি দামেস্কর ইলিয়েষরে মঅ সোম্বোত্তির্ গিরোজ্ অবঅ।

পত্থম 15:2 Iomraidhean Croise

পত্থম 14:15

তে নিজো মানুচ্চুনোরে কয়েক্কো দলত্‌ ভাগ গুরিলো আর তারারে লোইনে রেদোত্‌ শত্রুগুনোরে আক্রমন গুরিনে তারারে ওদেই দিলাক্। সে পরেদি তারারে লড়াদে লড়াদে তে দামেস্ক উত্তোরেদি হোবা সং গেলঅ।

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 15:3

তুই কি মরে কনঅ ঝি-পুয়ো দুয়োচ্‌? সেনত্তে মঅ ঘরর্‌ এক্কো চাগরে দঅ মঅ পরেদি মর্‌ সোম্বোত্তির্‌ গিরোজ্ অবঅ।”

পত্থম 24:10

ইয়েন পরেদি সে চাগর্‌বো তা গিরোজ উটো ঝাগত্তুন্‌ দোশ্‌ছুয়ো উট নেযেল। পরেদি গিরোজর্ বেক্‌ পযাপিরানিত্তুন্‌ কিজু কিজু নেযেইনে তে অরাম-নহরয়িম দেজ ইন্দি যাহ্ ধুরিলো। সে জাগানর্‌ যে শঅরানত্‌ নাহোরে বজত্তি গুরিদো তে সিদু গেলঅ।

পত্থম 24:2

ঘরর্‌ বেগত্তুন্‌ পূরোণ গাবুর্‌বো উগুরে তার বেক্কানির ভারান্‌ এলঅ তারে তে একদিনে কলঅ, “তঅ আত্‌থান্‌ মঅ দামানাগানিত্‌ তলে রাগা।

পত্থম 25:21

ইস্‌হাক মোক্কো ভাঝ্‌ এলঅ বিলি ইস্‌হাকে তাত্তে লগেপ্রভু ইদু ভিক্ষ্যে চেলঅ। লগেপ্রভু সিয়েন মানি লল সেনে রিবিকা পিদিলী অলঅ।

পত্থম 39:9

এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

পত্থম 43:19

সেনত্তে তারা যোষেফ ঘরঅ দোরান মুজুঙোত্‌ এইনে ঘর সদ্দার্‌বোরে কলাক্,

পত্থম 44:1

যেরেদি যোষেফে তা ঘরর্‌ সদ্দারবোরে ইয়েন কোইনে উগুম্‌ গুরিলো, “ইগুনে শোজ্য যিদুক্কুন্‌ নেযেই পারন সিদুক্কুন্‌ তারা বস্তাগুনোত্‌ ভোরেই দুয়ো, আর পত্তিজনরে টেঙাগুন তারা বস্তাগুনোর্‌ মুয়োনত্‌ দি-দুয়ো।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

রূত 2:6

যে মানুচ্চো কামানি দেগাশুনো গুরিদো তে জোবত্‌ কলদে, “মোয়াব্‌ দেজত্তুন নয়মীর লগে যে মোয়াবীয় মিলেবো এচ্ছ্যে ইবে তে।

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”