পত্থম 13:10 - Chakma Bible

¹⁰ সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 13:10 Iomraidhean Croise

পত্থম 11:27

ইবে অলঅ তেরহ বংশর কধা। তেরহ পুয়োগুনোর্ নাঙানি অলঅ অব্রাম, নাহোর আর হারণ, আর হারণ পুয়োবোর নাঙান্‌ লোট।

পত্থম 13:11

সেক্কে লোটে যর্দনর্ বেক্‌ সং জাগায়ান নিজোত্তে বেঈ লোইনে পূগেদি সুরি গেলঅ। এবাবোত্যেগুরি তারা একজন আরেক জনত্তুন্‌ ফারগ্ ওই গেলাক্।

পত্থম 13:9

গোদা দেজ্‌ছান্‌ দঅ তঅ মুজুঙোত্‌ পড়ি আঘে। সেনত্তে আয়, আমি ফারগ্ ওই যেই। তুই বাঙেন্দি বেঈ ললে মুই ডেনেন্দি যেম্‌, আর ডেনেন্দি বেঈ ললে মুই বাঙেন্দি যেম্‌।”

পত্থম 14:2

এ চের্‌বো রাজা এক ওইনে একপল্লা সদোমর রাজা বিরা, ঘমোর রাজা বির্শা, অদ্‌মার রাজা শিনাব, সরোয়িমোর রাজা শিমেবর আর বিলার, অত্তাৎ সোয়র রাজার বিরুদ্ধে যুদ্ধো গুরিবাত্তে গেলাক্।

পত্থম 14:8

এ ঘটনাগানির্ পরেদি সদোম, ঘমোরা, অদ্‌মা, সবোয়িম আর বিলার, অত্তাৎ সোয়র রাজাগুনে এলম রাজা কদর্লায়োমর, গোয়ীমর রাজা তিদিয়ল, শিনিয়র রাজা অম্রাফল আর ইল্লাসর রাজা অরিয়কোর লগে যুদ্ধ গুরিবাত্তে সিদ্দীম কলগত্‌ তারার সৈন্যগুনোরে সাজেলাক্‌। চের্‌বো রাজার বিরুদ্ধে পাচ্চো রাজা যুদ্ধো গুরিবাত্যে যুক্কোল্‌ অলাক্‌।

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

১ রাজাবলী 7:46

যর্দনর সংজাগাত্‌ সুক্কোৎ আর সর্তনর দ্বিসেরে এক্কান জাগাত্‌ রাজা এ জিনিসছানি মাদি গাদথ গোলে ফেলেইনে বানেয়্যে।

ইয়োব 40:23

গাঙত্ জোরে বান এলেয়ো তে ন-দরায়; যর্দনর পানিগান জোরে এইনে তা মুয়োনত্ পড়িলেয়ো তে থির্ থায়।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

যিহিষ্কেল 16:46

তঅ দাঙর্ বোন্নো শমরিয়া; তা ঝিগুনোরে নিইনে তে তঅ উত্তোরেদি বজত্তি গরে। তঅ চিগোন বোন্নো অলঅ সদোম; তে তার ঝিগুনোরে নিইনে তর্ দোগিণেদি বজত্তি গরে।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

যিহিষ্কেল 31:8

গোজেনর বাগান এরস গাজ্‌চুনেয়ো তা সমারে পাল্লা দি ন-পারিদাক্। বেরস গাজর্ ডেলাগুন্‌অ তার দাঙর্ দাঙর্ ডেলাগুনো সং ন-এলাক্; তার ডেলাগুনোর লগে আর্মোণ গাজর্ তুলনা ন-অদঅ। আজল্ কধা, গোজেনর বাগান কনঅ গাজ দোলদি তার সং সং ন-এলাক্।

যিহিষ্কেল 31:9

বোউত্ ডেলালোই মুই তারে দোল্ বানেয়োং; তে এলদে এদনত্ গোজেন বাগানর বেক্ গাজ্‌‌চুনোত্তুন ইংসের্ গাজ।

যিহিষ্কেল 47:18

পূগেদি দুযিগান হৌরণ আর দামেস্কর ভিদিরেদি গিলিয়দ আর ইস্রায়েল দেজর্ ভিদিরেদি যর্দন গাঙ সং যেইনে ধূল্যে-সাগর সং যেবঅ। ইয়েনই অবঅ পূগেদি দুযিগান।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

দ্বি’লম্বর বিররণ 34:3

ইয়েনবাদে তে তারে নেগেভ আর খেজুর-শঅর যিরীহো আর তার কায়-কুরে যর্দন গাঙর দোগিনোন্দি সং জাগাত্তুন সোয়ব সং বেক চাগালাগান্ দেগেল।