পত্থম 12:2 - Chakma Bible

² তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 12:2 Iomraidhean Croise

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 17:20

শুনিচ্‌, মুই তারেয়ো বর্ দিম্‌ আর ভালোক্কুন্‌ পুয়ো দিইনে তা বংশর্‌ মানুচ্চুনোরে বোউত্‌ বাড়েই দিম্‌। তেয়ো বারবো গুট্টি-নেতার্‌ আগ বাপ্‌ অবঅ আর তা ভিদিরেত্তুন্‌ মুই এক্কো দাঙর্‌ জাত্‌ বানেম্‌।

পত্থম 18:18

অব্রাহাম আর তা বংশর্‌ মানুচ্চুনো ভিদিরেত্তুন দঅ এক্কো দাঙর্‌ খেমতাবলা জাদ অবঅ আর সে জাদ ভিদিরেন্দি দঅ পিত্‌থিমীর্‌ বেক্‌ জাদতুনে বর্ পেবাক্।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

পত্থম 24:1

অব্রাহামে সেক্কে অমকদ বুড়ো ওই যেইয়্যে আর বয়জঅ তার বোউত্‌ ওইয়্যে। লগেপ্রভু তারে চেরোকিত্তেত্তুন্‌ বর্ দিলো।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 25:11

অব্রাহামর মরানার্ পরেদি তার পুয়ো ইস্‌হাকরে গোজেনে বর্ দিলো। ইস্‌হাকে বের্‌-লহয়-রোয়ীর ইদু বজত্তি গরা ধুরিলো।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যাত্রা 32:10

তুই মরে মানা নঅ গুরিচ্‌। তারা বিরুদ্ধে মর্‌ রাক্কান্‌ আগুনো ধোক্ক্যেন জুলিবো। মুই তারারে ভস্ত গুরি ফেলেম্‌। সে পরেন্দি তমা ভিদিরেত্তুন্‌ মুই এক্কো দাঙর্‌ জাত্‌ সৃট্টি গুরিম্‌।

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিহিষ্কেল 34:26

মুই তারারে বর্ দিম আর মর্ মুড়োগুনোর্ চেরোকিত্তে জাগানিরে বর্ দিম। মুই ঠিগ্ সময়োত্ ঝড়্ পাদেম; সিয়েন অবঅ বর্ পানার্ ঝড়।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

গণাণা 14:12

মুই এক্কান্‌ দাঙর্‌ পিড়ে আনিম্‌ আর এগেম্ গোজ্যে দেজর্‌ অধিকারানি তারাত্তুন্‌ কাড়ি নেযেম, মাত্তর্‌ তঅ ভিদিরেত্তুন্‌ মুই তারাত্তুনো বেশ্‌ দাঙর্‌ আর বোলী এক্কো জাদ্ সৃট্টি গুরিম্‌।”

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 23:20

মুই আশিদ্‌বাদ গুরিবাত্তে উগুম্‌ পেইয়োং। তে ইস্রায়েলরে আশিদ্‌বাদ গোজ্যে, মুই সিয়ান্‌ বুদুলি ন-পারং।

রোমীয় 4:11

চুনু মাঢাবো চামান ন-কাপ্যে অবস্থায় বিশ্বেজত্তে যে গোজেনে তারে নিদ্দুজি বিলি ধোজ্জ্যে তার চুনু মাঢাবো চামান কাবানা অলদে সিয়েনর্ প্রমাণ আর চিহ্নো। সালে দেগা যাত্তে, চুনু মাঢাবো চামান কাবা ন-অলেয়ো বানা বিশ্বেজত্তে যিগুনোরে নিদ্দুজি বিলি মানি লুয়ো ওইয়্যে, অব্রাহামে তারার্ বেক্কুনোর্ বাপ্।

গালাতীয় 3:14

গোজেনে অব্রাহামরে যে বর্ দিয়্যে সেই বরান্ খ্রীষ্ট যীশুর্ মাধ্যমে যেন অযিহূদীগুনেয়ো পেই পারন্, আর যেন আমি বিশ্বেজর্ মাধ্যমে এগেম্-গোজ্জ্যে পবিত্র আত্মারে পেই পারিই, সেনত্যে খ্রীষ্ট সেই অভিশাব্‌পান নিজো উগুরে নেযেয়্যে।

গালাতীয় 3:7

ইয়েনত্যে তুমি এ কধাগান হবর্ পেইয়ো, যিগুনে গোজেনরে বিশ্বেজ্ গরন বানা তারা অব্রাহামর্ গুট্টি।

দ্বি’লম্বর বিররণ 26:5

সে পরেন্দি তুমি বেক্কুনে তমার গোজেন লগেপ্রভুর মুজুঙোত্‌ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্‌ নেযেইনে মিসর দেজত্‌ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্‌ আর বোলী জাদর জর্ম ওইয়্যে যিবের মান্‌জ্যর সোংখ্যে এলাক ভালোক্কুন।