পত্থম 12:10 - Chakma Bible

¹⁰ কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

পত্থম 12:10 Iomraidhean Croise

পত্থম 41:56

এ ভাদ-রাদ্‌‌‌তো দেজর্‌ চেরোকিত্যে ছিদি পড়িলো। মিসর দেজত্‌ ভাদ-রাদ্ যেক্কে দর্‌গরে পারা ওই উদিলো সেক্কে যোষেফে বেক্‌ গোলাঘরানি খুলি দিলো আর মিসরীয়গুনো ইধু শোজ্য বেজা ধুরিলো।

পত্থম 41:57

অন্য দেজদঅ ভাদ-রাদ এদক্‌ বেশ্‌ ওই উদিলোদে, সিদুগোর্‌ মানুচ্চুনেয়ো যোষেফত্তুন্‌ শোজ্য কিনিবাত্তে মিসরত্‌ এজা ধুরিলাক্।

পত্থম 42:5

অন্য যিদুক্কুন্‌ মান্‌জ্যে শোজ্য কিনিবাত্তে মিসর্‌ দেজত্‌ যাদন্‌ তারা দলত্‌ ইস্রায়েল পুয়োগুনেয়ো এলাক্‌, কিত্তে কনান দেজতঅ ভাদ-রাদ্ ওইয়্যে।

পত্থম 43:1

কনান দেজর্‌ ভাদ-রাদ অবস্থা আরঅ বেশ্‌ ওই উদিলো।

পত্থম 47:13

পরেদি ভাদ-রাদ্‌‌তো এদক্‌ বেশ্‌ ওই উদিলোদে যে, গোদা দেজ্‌চানত্‌ কনজাগাত্‌ আর খানা ন-এলঅ। ভাদ-রাদ্‌তোর্ কারনে মিসর আর কনান দেজ্‌ছান্‌ এক্কুবারে থাদার ওই পুড়িলো।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 6:25

সেক্কে শঅরত্‌ অমকদ ভাদরাত্‌ দেগা দিলো। এ ঘিরেনাগান্‌ এদকদিন ধুরি চলিলোদে, এক্কো গাধার মাধা পেরায় এক কেজি রূবোলোই আর এক পাবা কোদোরোর্‌ ঘু সাত গ্রাম রূবোলোই বেজা যেদঅ।

গীতসংহিতা 105:13

তারা যেক্কেনে সিদু নানান্ জাদঅ ভিদিরে আর নানান্ রেজ্য ভিদিরে ঘুরি ঘুরি বেড়েদাক্,

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

যিরমিয় 14:1

খরান পৌইদ্যেনে লগেপ্রভু যিরমিয়রে কলঅ,

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 7:11

সে পরেদি গোদা মিসর আর কনান্ দেজত্ ভাদরাত্ দেগা দিলো। সিয়েন্দোই যেক্কে খুব্ দুঘ্ অলঅ সেক্কে আমা পূরোণি মানুচ্চুনে হানা ন-পেলাক্।

রূত 1:1

শাজন্‌গুরিয়্যেগুনোর শাজন আমলত ইস্রায়েলীয়গুনোর দেজত্‌ একপল্লা ভাদঅ‌ রাত্ দেগা দিলো। সেক্কে যিহূদা দেজর বৈৎলেহম আদামর এক্কো মান্‌জ্যে তা মোক্কো আর দ্বিবে পূঅরে নেযেইনে কয়েকদিনোত্তে মোয়াব দেজত্‌ বজত্তি গুরিবাত্তে গেলঅ‌।