পত্থম 12:1 - Chakma Bible

¹ পরেদি লগেপ্রভু অব্রামরে কলঅ, তুই তর্‌ নিজো দেজচান, তঅ কুদুম্মোগুন্‌ আর তঅ বাবর্ ঘর-দুয়োর্‌ ছাড়িনে মুই যে দেজ্‌চান দেগেই দিম্‌ সে দেজচানত্‌ যাহ্।

পত্থম 12:1 Iomraidhean Croise

পত্থম 15:7

লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

পত্থম 20:13

গোজেনে যেক্কে মরে মঅ বাবঅ ঘরত্তুন্‌ নিগিলে আনিলো সেক্কে মুই মঅ মোক্কোরে কোইয়োং, তুই যে মরে কোচ্‌পাজ্‌ সিয়েন এবাবোত্যেগুরি দেগেচ্‌। আমি যিয়েনত্‌ যেদং চাত্‌, তুই মরে তঅ ভেই বিলিনে চিনেই দিজ্‌।”

পত্থম 24:38

সিয়েনর বদলে যেনে মুই তা বাবঅ ঘরত্‌ যেইনে তা বংশর্‌ মানুচ্চুনো ভিদিরেত্তুন্‌ এক্কো মিলেরে তা পুয়োবোত্তে বেঈ নেযাং।

পত্থম 24:4

সিবে বদলে তুই মঅ দেজত্‌ যেইনে মর্‌ বংশর্‌ মানুচ্চুনো ভিদিরেত্তুন্‌ এক্কো মিলেরে মর্‌ পুয়ো ইস্‌হাকত্তে বেঈ লবে।”

পত্থম 24:7

স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

নহিমিয় 9:7

তুয়ই লগেপ্রভু গোজেন। তুই অব্রামরে বেঈ লোইনে কল্‌দীয়গুনোর দেজ্‌ছান্‌ ঊরত্তুন্‌ নিগিলেনেই লোই এচ্ছ্যস্‌ আর তা নাঙান্‌ রাগেয়োচ্ছে অব্রাহাম।

যিশাইয় 37:12

মঅ পুরোণি মানুচ্চুনে যিদুক্কুন্ জাদরে ভস্ত গোজ্যন তারার্ দেবেদাগুনে, অত্তাৎ গোষণ, হারণ, রেৎসফ আর তলঃসরত্ বজত্তি গুরিয়্যে এদন মানুচ্চুনোর দেবেদাগুনে কি তারারে রোক্ষ্যে গোজ্যন্?

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিহিষ্কেল 33:24

ও মান্‌‌‌‌‌‌‌‌‌জ্যর পুয়োবো, ইস্রায়েল দেজর্ ভস্ত ওইয়্যে জাগানত্ যিগুনে বজত্তি গত্তন্ তারা কদন্, অব্রাহামে বানা এক্কো মানুচ্ ওইনেয়ো দেজর্ অধিকার পেইয়্যে। মাত্তর্ আমি দঅ ভালোকজন; সেনত্তে দেজ্‌‌‌‌‌‌‌‌‌‌চান ঘেচ্চেকগুরি আমা অধিকারত্তে দিয়্যে ওইয়্যে।

গণাণা 10:30

জোবত্‌ হোববে কলঅ, “না, মুই ন-যেম্‌। মুই মর্‌ নিজোর্‌ দেজত্‌ নিজোর্‌ মানুচ্চুনো ইদু ফিরি যাঙর।”

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।