পত্থম 11:5 - Chakma Bible

⁵ মানুচ্চুনে যে শঅরান আর অজল ঘরান বানেয়োন সিয়েন্‌ চেবাত্তে লগেপ্রভু লামি এলঅ।

পত্থম 11:5 Iomraidhean Croise

পত্থম 18:21

সেনত্তে মুই ইক্কিনে তলেদি যেইনে চেবাত্তে চাং, তারা যিয়েনি গোজ্যন্‌ বিলি শুন্যং সিয়েনি হামাক্কায় এদক্‌ ভান্ন্যেই নাকি। আর যুদি সিয়েনি ন অয়্‌ সিয়েনঅ মুই জানি পারিম্‌।”

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যাত্রা 19:20

লগেপ্রভু সিনাই মুড়োবো মাদাথ্‌ লামি এইনে মোশিরে ডাগিলো আর মোশি মুড়োবো উগুরে উদিলোগোই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।