পত্থম 11:4 - Chakma Bible

⁴ তারা কলাক্, “এজঅ, আমি আমাত্তে এক্কান্‌ শঅর্‌ বানেই আর এন্‌ এক্কান অজল ঘর বানেবং যিয়েনর মাদাবো যেইনে আগাজত্‌ লুমিবো। সিয়েনত্‌ আমার সুনাঙ্অ অবঅ আর আমি গোদা পিত্‌থিমীগানত্‌অ ছিদি ন-পড়িবোং।”

পত্থম 11:4 Iomraidhean Croise

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

২ শমূয়েল 8:13

দায়ূদ নুন্‌-কলগত্‌ আদার আজার অরামীয়রে মারে ফেলেইনে ফিরি এজানার পরেন্দি চেরোকিত্তে তার নাঙান্ ছিদি পড়িলো।

গীতসংহিতা 107:26

সিয়েনত্তে নাবিককুনে আগাজত্ সং উদিলাক্ আর পানি তলা সং লামিলাক্; দজাত্ পুরিনে দরে তারার পরাণান উড়ি গেলঅ।

গীতসংহিতা 92:9

ও লগেপ্রভু, তর্ শত্রুগুনে ভস্ত ওই যেবাক্, অয়, তারা ভস্ত ওই যেবাক্; অন্যেয়গুরিয়্যেগুনে বেক্কুনে ছিদি পড়িবাক্।

গম্ উপদেজ্ 10:7

গোজেন ভক্তগুনোর্ স্মৃতিগানিয়ে আশিদ্‌বাদ আনে, মাত্তর্ পাজিগুনোর নাঙানি পুযি যায়।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

দানিয়েল 4:11

গাজ্‌‌‌চো বাড়ি উদিনে দাঙর্ আর দরমর অলঅ আর তা মাঢাবো যেইনে আগাজত্ লুমিলো; পিত্‌‌‌থিমীর শেজ্ দুযিত্তুন্‌অ গাজ্‌‌‌চোরে দেগা যার্।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

লূকে লেখ্যে গম্ হবর্ 1:51

তে আঢ্ বাড়েইনে দাঙর্ খেমতার্ কাম্ গোজ্যে; যিগুনোর্ মনানি বার্বোলোই ভরা তারারে তে চেরোকিত্তে দূর্ গুরি দিয়্যে।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।