পত্থম 11:3 - Chakma Bible

³ তারা একজন আরেকজনরে কলাক্, “যেই, আমি ইট বানেইনে আগুনোত্‌ পুড়িই।” ইয়েন কোইনে তারা পাত্তর বদলে ইট আর চিবিদি বদলে মাত্যেতেল্‌ বেবহার গরা ধুরিলাক্‌।

পত্থম 11:3 Iomraidhean Croise

পত্থম 11:4

তারা কলাক্, “এজঅ, আমি আমাত্তে এক্কান্‌ শঅর্‌ বানেই আর এন্‌ এক্কান অজল ঘর বানেবং যিয়েনর মাদাবো যেইনে আগাজত্‌ লুমিবো। সিয়েনত্‌ আমার সুনাঙ্অ অবঅ আর আমি গোদা পিত্‌থিমীগানত্‌অ ছিদি ন-পড়িবোং।”

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

পত্থম 14:10

সিদ্দীম কলগত্‌ মাত্যে তেল্লোই ভরা বোউত্‌ গাত্‌ এলাক্। যেক্কে সদোম আর ঘমোরা রাজাগুনে ধেই যাদন্‌ সেক্কে তারা মানুচ্চুনো ভিদিরে কয়েকজনে সে মাত্যেতেলর্ গাদ্‌‌তোত্‌ পড়ি যেইয়োন্‌, আর অন্যগুনে মুড়ো-মুড়ি মোক্কে ধেই গেলাক্।

২ শমূয়েল 12:31

তে শঅরর্‌ মানুচ্চুনোরে নিগিলেই আনিলো আর আরা, লুয়োর্‌ খন্দা আর কুড়োল্‌লোই তারারে কাম্ বাজেই দিলো। তে তারারে ইট বানাইদে কামত্‌ লাগেল। অম্মোনীয়গুনোর বেক্‌ শঅরানিত্‌ তে সিয়েনি গুরিলো। ইয়েনর্ পরেন্দি দায়ূদে তার্‌ বেক্‌ সৈন্যদলুন লোইনে যিরূশালেমত্‌ ফিরি গেলঅ।

গীতসংহিতা 64:5

তারার বজং সল্লাগানি তারা দরমর গুরি নেযান, আর হবর্ ন-পেইয়্যেগুরি ফাল্ পাদিবার সল্লা গরন্; তারা কন্দে, “কনজনে ইন্দি খিয়েল্ ন-গুরিবাক।”

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

যাত্রা 2:3

মাত্তর্‌ যেক্কে তারে আর লুগেই রাগানা সম্ভব ন-অলঅ সেক্কে তে নল্‌লোই বুনিনে এক্কো ভের্‌বো বানেইনে সিয়েনত্‌ মাত্যেতেল্ আর আঢা লিবি দিলো আর পূয়োবোরে সে ভিদিরে থৈইনে সিবে নীল গাঙ পারত্‌ পানি সং মোধ্যে এক্কো নল বনত্‌ থৈ এলগোই।

গম্ উপদেজ্ 1:11

ধোজ্য, কনজনে কলঅ, “আমা লগে এজঅ, খুন গুরিবাত্তে যেই আমি হাপ্ দি থেই, কনঅ নিদ্দুযি মান্‌জ্যরে ধুরিবাত্তে পোল্ল্যেই থেই।

উপদেশক 2:1

মুই নিজোরে কলুং, “সুগ্‌কান কি, সিয়েন বুঝিবাত্তে মুই নিজে রঙ্গ-ফুত্তি গুরিনে সিয়েন পোরোক্ষ্যে গুরি চেম্।” মাত্তর্ দেগিলুং, সিয়েন্অ বাহ্‌জে।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 65:3

সেই মানুচ্চুনে মঅ মুয়োমি ওইনে মরে নিত্য কাঙেলেত্যে গোজ্যন্; তারা বাগানত্ উৎসর্বর অনুষ্ঠান গত্তন্ আর ইটো উগুরে আগর্‌বাট্টি জ্বালাদন্।

যিশাইয় 9:10

“ইট্‌তুন পড়ি যেইয়োন, মাত্তর্ আমি সিগুন আরঅ দোল্ গুরি কাপ্যে সিল্লোই তুলিবোং; বেক্ ডোমোর্ গাজ্‌চুন্ কাবি ফেলা ওইয়্যে, মাত্তর্ আমি সিগুনোর্ বদলে লাগেবং এরস গাজ‌।”

নহূম 3:14

তুই ঘিরিবার সময়ানত্তে পানি তুলি রাগা, তর্ তাম্বুলানি দরমর গর্। মাদিগান দুলিনে মল্; চিবিদি আর বালু মিজে আর ইট্‌তোই কুড়্ বানা।

ইব্রীয় 10:24

এজঅ, আমি একজন আরেকজন পৌইদ্যেনে চিন্তে গুরিই যেন আমি কোচ্‌পানা আর গম কাম গত্তে একজন আরেকজনরে উচ্চোমি দি পারিই।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;

যাকোব 4:13

তমাত্তুন্ কেঅ কেঅ কোই থান্, “এচ্চ্যে বা কেল্ল্যে আমি অমুক্ শঅরত্ যেইনে এক বজর্ কাদেবং আর সিধু বেবসা গুরিনে লাভ্ গুরিবোং।”

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।