পত্থম 10:2 - Chakma Bible

² যেফত পুয়োগুন্‌ অলাক্‌ গোমর, মাগোগ, মাদয়, যবন, তূবল, মেশক আর তীরস।

পত্থম 10:2 Iomraidhean Croise

পত্থম 10:1

ইবে অলঅ নোহর পুয়ো শেম, হাম আর যেফত বংশর কধা। পানি বান পরেদি তারারঅ পুয়ো ওইয়োন্।

পত্থম 10:21

যেফত দাঙর ভেই শেমরঅ ঝি-পুয়ো ওইয়োন্‌। শেম অলদে এবর আর তা পুয়োগুনোর্ পুরোণি মানুচ্‌।

পত্থম 9:27

গোজেনে গোরোক, যেফতে যেনে বোউত্‌ জাগা জুড়ি থায়। তে শেমর তাম্বুলানত্‌ বজত্তি গোরোক্‌ আর কনানে তা চাগর ওক্‌।”

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

গীতসংহিতা 120:5

হায়! কি দুর্‌ভাগ্যত্তে মুই! মুই মেশকীয়গুনো ধোক্ক্যেন মান্‌জ্য ইদু বজত্তি গরঙর্, কেদরীয়গুনো ধোক্ক্যেন মান্‌জ্য তাম্বুলো ইদু আগং।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিহিষ্কেল 27:19

বদান আর গ্রীসর মানুচ্চুনে তঅ পযাপিরানির বদলে দিদাক্ উষলত্তুন আন্যে পিদেয়্যে লুয়ো, দারচিনি আর বচ।

যিহিষ্কেল 27:7

মিসরর্ দোল্ নক্‌‌‌‌‌‌‌‌সা মসীনা কাবড়্‌লোই তর্ পালান্ বানা ওইয়্যে আর সিয়েন্দোই মান্‌‌‌‌‌‌জ্যে তরে চিনিদাক্। ইলীশাত্তুন্ আন্যে য়েল্ আর বিগুনি কাবড়ানি এলঅ তাম্বুল্।

যিহিষ্কেল 32:26

মেশক আর তূবল সিয়েনত্ আঘে; তারার চেরোকিত্তে রোইয়্যেদে তারার বেক মানুচ্চুনোর গোরুন্। এই বেক সুন্নত-ন-গোজ্যে মানুচ্চুনোরে যুদ্ধোত্ মারে ফেলা ওইয়্যে। জেদাগুনোর দেজত্ তারা দর্‌‌‌বুক লাগেয়োন।

যিহিষ্কেল 38:15

উত্তোরেদি শেজ্ দুযিত্ তঅ জাগানত্তুন্ তুই আর তঅ লগে ভালোক্ জাদর্ মানুচ্ ঘোড়াত্ চড়িনে এক্কো দাঙর্ দল, এক্কো খেমতাবলা সৈন্যদল ওইনে এবে।

যিহিষ্কেল 38:2

ও মান্‌‌‌‌‌জ্যর্ পুয়োবো, তুই মাগোগ দেজর্ মেশক আর তূবলর আজল্ শাজন্‌গুরিয়্যে গোগর ইন্দি মুয়োন দিইনে এই আগাম্ কধানি কঅ,

যিহিষ্কেল 38:6

গোমর দেজর্ বেক্ সৈন্যগুন আর উত্তোরেদি শেজ্ দুযির্ বৈৎ-তোগর্ম দেজর্ বেক সৈন্যগুন তঅ সমারে থেবাক্। বোউত্ জাদে তঅ সমাজ্যে অবাক্।

যিহিষ্কেল 39:1

ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।