পত্থম 1:25 - Chakma Bible

²⁵ গোজেনে পিত্‌থিমীর নানান্‌ জাদর ঝাড়্‌বো, ঘর্‌বো আর বুক্কোই-আদি যেইয়্যে পরাণবলা সৃট্টি গুরিলো। ইগুনোর বেক্কুনোত্তুন্ নিজোর নিজোর জাদরে বাড়েবার খেমতা এলঅ। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:25 Iomraidhean Croise

পত্থম 7:21

ইয়েনত্তে মাদি উগুরে ঘুরি বেড়েইয়্যে বেক্‌ প্রাণীগুন, পেক্‌, ঘরত্‌ পালেয়্যে আর ঝাড় য়েমানুন্, ঝাক্‌বানি বেড়েইয়্যে চিগোন চিগোন প্রাণীগুন আর বেক্‌ মানুচ্চুনে মুরি গেলাক্।

পত্থম 7:22

শুগুনো মাদি উগুরে যিদুক্কুন প্রাণী থেদাক্‌, অত্তাৎ নিজেস্‌ ফেলেনে যিগুনে বাঁজি এলাক্‌ তারা বেক্কুন মুরি গেলাক্।

ইয়োব 12:7

য়েমানুনোরে পুযোর্‌ গর্‌, তারা তরে শিগেবাক্‌; আগাজ পেক্‌কুনোরে কঅ, তারায়ো তরে কোই দিবাক্‌;

ইয়োব 26:13

তা নিজেস্‌‌ছোই আগাজ্‌‌ছান ফোক্‌‌পোক্যা অয়; তা আঢ্‌তা‌নে ধেই যেইয়্যে সাপ্পোরে সেল্ মারে।

ইয়োব 41:12

“লিবিয়াথনর কিয়্যের্ গঠনর্ কধানি মুই কোম্, তা বলান্ আর তা কিয়্যের্ গঠনর্ কধানি কোম্।

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

১ তীমথিয় 4:5

কিয়া গোজেনর্ কধালোই আর তবনালোই সিয়েনি সিজি অয়।