পত্থম 1:21 - Chakma Bible

²¹ এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:21 Iomraidhean Croise

পত্থম 1:18

দিন আর রেদো উগুরে রাজাগিরি গরন্‌ আর আন্ধারত্তুন্ পহ্‌রানরে ফারক্ গুরি রাগান। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:20

সে পরেদি গোজেনে কলঅ, “পানিগান্‌ নানান্‌ জেদা পরাণবলা ঝাক্কোই ভুরি উদোক্‌, আরঅ পিত্‌থিমীয়ান উগুরে আগাজ ইধু নানান্‌ পেগে উড়ি বেড়াদোক্।”

পত্থম 1:22

গোজেনে তারারে ইয়েন কোইনে বর্ দিলো, “বংশ বাড়েবার খেমতালোই ভুরি যেইনে তুমি নিজোর মানেইয়ুন্‌ বাড়, আর সিগুনদোই দোজ্যে সাগর পানি ভোরেই ফেলঅ। পিত্‌থিমীয়ান উগুরে পেক্কুনেয়ো নিজোর নিজোর সোংখ্যেগুন্‌ বাড়াদোক্।”

পত্থম 1:25

গোজেনে পিত্‌থিমীর নানান্‌ জাদর ঝাড়্‌বো, ঘর্‌বো আর বুক্কোই-আদি যেইয়্যে পরাণবলা সৃট্টি গুরিলো। ইগুনোর বেক্কুনোত্তুন্ নিজোর নিজোর জাদরে বাড়েবার খেমতা এলঅ। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:31

গোজেনে তার নিজোর বানেইয়্যে বেক্কানি চেলঅ। সিয়েনি ঘেচ্ছেক্‌গুরি জদবদে দোল্‌ ওইয়্যে। এধোক্ক্যেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ ছঅ দিনোত্‌ ।

পত্থম 2:19

লগেপ্রভু গোজেনে মাদিলোই বানেয়্যে মাদ উগুরে যিদুক্কুন য়েমান আর আগাজর্ পেক্‌ বানেইয়্যে সিগুনোরে সে মানুচ্চো ইধু আনিলো। লগেপ্রভু চেলঅ তে সিগুনোরে কি কি নাঙে ডাগে। তে সে জেদা পরাণবলাগুনোরে যিবেরে যে নাঙে ডাগিলো সিবের্ সে নাঙান অলঅ।

পত্থম 6:20

পত্তি জাদর পেক্‌, পত্তি জাদর য়েমান আর বুগেদি আঢি বেড়েয়্যে প্রাণী এক জোড়া গুরি তইধু এবাক্‌ যেনে তুই তারারে বাজেই রাগে পারচ্‌;

পত্থম 7:14

তারা সমারে পত্তি জাদত্তুন্ এক জোড়া গুরি ঝাড়্‌বো আর ঘরত্‌ পালেয়্যে য়েমান, বুগেদি-আঢি বেরেয়্যে প্রাণী আর নানান্‌ বাবোত্যে পেগ্অ উদিলাক্ ।

পত্থম 8:17

আর সে লগে বেক্‌ য়েমানুন-পেক্কুন আর বুক্কোই-আঢি বেড়েয়্যে প্রাণীগুন, অত্তাৎ যিদুক্কুন য়েমান আগন্‌ তারারে বেক্কুনোরে নিগিলেই আন। মুই চাং পিত্‌থিমীয়ানত্‌ তারার বংশ বোউত্‌ বাড়ন্‌ আর বংশবাড়েবার খেমতালোই তারা জনেদি বাড়ি উদোন।”

পত্থম 8:19

তারা লগে বেক্‌ য়েমানুন-পেক্কুন আর বুক্কোই-আঢি বেড়েয়্যে প্রাণীগুন, অত্তাৎ মাদি উগুরে ঘুরি বেড়েয়্যে বেক্‌ প্রাণীগুন নিজো জাদ্ অনুসারে নিগিলি এলাক্।

পত্থম 9:2

পিতথিমীর্ বেক্‌ য়েমানুন্, আগাজ পেক্কুন, বুগেদি-আঢি বেড়েয়্যে পরান্‌‌‌‌‌বলাগুন, আর বড়্‌গাঙ মাচ্চুনে তমারে অমকদ দোরেইনে চলিবাক্‌। ইগুন তমা আঢত্‌ দিয়্যে অলঅ।

পত্থম 9:7

তুমি তমার বংশবাড়েবার খেমতালোই নিজো মানুচ্চুন বাড়েই তুলো। তুমি পিত্‌থিমীর চেরোকিত্তে ছিদি পড়অ আর নিজো মানুচ্চুন্ আরঅ বাড়অ।”

ইয়োব 12:7

য়েমানুনোরে পুযোর্‌ গর্‌, তারা তরে শিগেবাক্‌; আগাজ পেক্‌কুনোরে কঅ, তারায়ো তরে কোই দিবাক্‌;

ইয়োব 26:5

মরা মানুচ্চুনে দরে অমকদ গির্‌গিরাদন্; তারা গির্‌গিরাদন পানিত্ তলে আর পানিত্ বজত্তি গুরিয়্যেগুনোর তলে।

ইয়োব 7:12

মুই কি সাগর্‌ নাহি সাগরর্‌ পান্যে-দেবেদা, তুই মরে চুগি দিইনে রাগেয়োচ্‌?

গীতসংহিতা 148:7

পিত্‌থিমীত্ তুমি লগেপ্রভুরে নাঙ্ গিনো। ও সাগর দাঙর্ দাঙর্ প্রাণীগুন আর সাগর গভিন তলদেজত্ থেইয়্যে প্রাণিগুন, গোজেনরে নাঙ্ গিনো।

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যাত্রা 8:3

নীল গাঙান্‌ বেঙোই ভুরি যেবাক্, আর গাঙত্তুন্‌ সিগুন্‌ উদি এবাক্‌, তঅ ঘরত, তঅ ঘুম্‌ যেবার্‌ ঘরত, তঅ বিচ্চোনত্, তঅ কাম্‌ গুরিয়্যেগুনোর্‌ ঘরত, তঅ মানুচ্চুনো ঘরত, তঅ চুলোবোত্‌ আর তঅ মোইদ্যে গুলিবার্‌ পিলেবোত্‌ যেইনে উদিবাক্‌।

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

যোনা 1:17

ইন্দি যোনারে গিলি ফেলেবাত্তে লগেপ্রভু এক্কো দাঙর্ মাছ ঠিগ্ গুরি রাগেয়্যে। যোনা সেই মাছ পেদত্ তিন দিন তিন রেত্ রলঅ।

যোনা 2:10

পরেদি লগেপ্রভু মাছ্‌‌‌‌‌সোরে উগুম দিলো আর মাছ্‌‌‌‌‌সো যোনারে শুগুনো মাদি উগুরে উগুলিনে নিগিলেই দিলো।

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।