পত্থম 1:2 - Chakma Bible

² পিত্‌থিমীর উগুরেদিগানত্ সেক্কেয়ো কনঅ চিহ্নো পাহ্ ন যায়, আর সিয়েন ভিদিরে জেদা পরাণবলা কিচ্ছু ন-এলাক্; সিয়েন উগুরেদিগান এলঅ আন্ধারে ঢাক্ক্যে গভীন্‌ পানি। গোজেন আত্মাগান সে পানিগান উগুরে আদা-উদো গুরিদো।

পত্থম 1:2 Iomraidhean Croise

ইয়োব 26:14

ইয়েনি তা কামর কিজু ফগদাং, আমি তা পৌইদ্যেনে বানা কিজু কধা শুনিই; তা খেমতার রবো কন্না বুঝি পারে?"

ইয়োব 26:7

তে দেবাবো উত্তরেদি আগাজ্‌ছান ছিদি দিয়্যে; দেবাবো উগুরে পিত্‌থিমীগানরে টাঙেই রাগেয়্যে।

ইয়োব 38:9

সেক্কেনে মুই মেঘ্‌কানরে তা পজাক্ বানেয়োং, আর তারে ঘুর্‌গুজ্যে আন্ধারত্ মিলেই দুয়োং।

ইয়োব 41:32

এক্কান জোল্‌জোল্যে দাগ্ তে তা পিজেদি ফেলে যায়; সিয়েন চাদে পাগানা চুলো ধোক্ক্যেন মনে অয়।

গীতসংহিতা 104:30

তর্ আত্মাগান পাদেলে তারা সৃট্টি অন; তো নুয়ো নুয়ো পরাণ দিইনে পিত্‌থিমীগানরে সাজাজ্।

গীতসংহিতা 104:6

তুই পিত্‌থিমীগানরে কাবড়্‌লোই ঢাগেদে ধোক্ক্যেন গুরি সাগর পানিলোই ঢাগি দুয়োচ্; মুড়ো-মুড়িগুনো সেই পানিলোই ঢাক্যে এলঅ।

গীতসংহিতা 136:6

যিবে পানি উগুরে পিত্‌থিমীগান বোজেই দিয়্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 148:7

পিত্‌থিমীত্ তুমি লগেপ্রভুরে নাঙ্ গিনো। ও সাগর দাঙর্ দাঙর্ প্রাণীগুন আর সাগর গভিন তলদেজত্ থেইয়্যে প্রাণিগুন, গোজেনরে নাঙ্ গিনো।

গীতসংহিতা 33:6

লগেপ্রভুর কধালোই পিথ্‌তিমীগান ওইয়্যে; সিয়েন ভিদিরে বেক্কানি ওইয়্যেদে তা মুয়ো নিজেস‌্‌চোই। ‌

গম্ উপদেজ্ 8:24

যেক্কেনে কনঅ সাগর ন-এলঅ, ন-এলঅ কনঅ পয়নালা যিয়েনত্তুন্ পানি গায় গায় এদঅ, সেক্কেনে মুই জর্মেয়োং।

যিশাইয় 31:5

পেখ্‌কুনে যেধোক্ক্যেন বাহ্‌বো উগুরে উড়োন্, বেগত্তুন্ খেমতাবলা লগেপ্রভু সেধোক্ক্যেন গুরি যিরূশালেমানরে ঢাগি রাগেব। তে তারে ঢাগি রাগেব আর উদ্ধোর্ গুরিবো, আর তা উগুরেদি যেইনে তারে রোক্ষ্যে গুরিবো‍‍।”

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিরমিয় 4:23

মুই পিত্‌‌‍থিমীগান ইন্দি রিনি চেলুং; সিয়েন মাজারায়ো নেই আর খালি; আগাজ ইন্দি রিনি চেলুং, সিয়েনত্ পহ্‌র নেই।‌‍

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

দ্বি’লম্বর বিররণ 32:11

যেধোক্ক্যেন গুরি ঈগল পেগে তা বাবোত্‌ ছঅগুনোরে জাগেই তুলোন্‌, যেধোক্ক্যেন গুরি তারা উগুরে তে লারে লারে উড়ি পারে, যেধোক্ক্যেন গুরি তারারে তুলি নেযেবাত্যে তার ডুয়োনি মিলি দে, আর যেধোক্ক্যেন গুরি তার্‌ ডুয়োগানি উগুরে তারারে বুয়োই নেযায়।