পত্থম 1:14 - Chakma Bible

¹⁴ সিয়েন পরেদি গোজেনে কলঅ, আগাজ ইধু পহ্‌র অয়্‌ এবাবোত্যে বেক্কুন দেগা যোগ্‌, আর সিগুনে রেদত্তুন্ দিন্নোরে ফারক্ গোত্তোক্‌। সিগুনে যুদো যুদো দিন, ঋতু আর বজরত্যে চিহ্ন ওই থাদোক্‌।

পত্থম 1:14 Iomraidhean Croise

পত্থম 1:13

এধোক্কেনগুরি সাজোন্যে গেলঅ, বেন্যেমাদান্ এলঅ আর সিয়েনি অলঅ তিন দিনোত্‌।

পত্থম 1:15

“আগাজত্তুন্‌ সিগুনে পিত্‌থিমীগান উগুরে পহ্‌র দেদোক্‌” আর সিয়েনই অলঅ।

পত্থম 8:22

যেদকদিন এ পিত্‌থিমীগান্ থেবঅ সেদকদিন সুদোম মোজিম্‌ বিজি ছিদেনা আর খেত-খেত্তি কাবানা, ঠান্ডা আর গরম, ঝার্‌কাল আর গরমকাল আহ্‌ দিন আর রেত্‌ ওই থেবঅ।”

ইয়োব 25:3

তা সৈন্যগুন কি গণা যায়? তা পহ্‌‌রান বেক্কুনো উগুরে উদে।

ইয়োব 25:5

গোজেন চোগেদি যুনি চান্নো জোল্‌‌জোল্যে ন-অয় আর তারাগুন সোলিড্ ন-অন,

ইয়োব 3:9

তার্‌ বেন্যেপোত্যে বেক্‌ তারাগুন্‌ আন্ধার্‌ ওই যোক্‌; তে পহ্‌রানত্তে মিজে মিজে বুয়োই থোক্‌; তে যেনে বেন্যেপোত্যের্‌ পত্তম্‌ পহ্‌রান চেই ন-পায়,

গীতসংহিতা 119:91

তর্ সুদোম মজিম্ এজঅ বেক্কানি থির্ আঘে, কিত্তে সিয়েনি তঅ খেমতা ভিদিরে আঘে।

গীতসংহিতা 148:3

ও বেলান আর চান্নো, তারে নাঙ্ গিনো; ও জোল্‌জোল্যে বেক্ তারাগুন, তারে নাঙ্ গিনো।

গীতসংহিতা 148:6

ইগুনোরে তে উমরত্তে যগাজ্যে জাগাত্ থিদেবর্ গোজ্যে; তে এক্কান সুদোম দিয়্যে, কনজনে সিয়েন ভাঙি ন-পারিবাক্।

গীতসংহিতা 150:1

লগেপ্রভুরে নাঙ্ গিনে ওক্। তুমি গোজেনর সুদ্ধো-সাংগ জাগানত্ তারে নাঙ্ গিনো, তার খেমতালোই বানেয়্যে আগাজ ইদু তারে নাঙ্ গিনো।

গীতসংহিতা 81:3

আমা পরব দিনোত্ আঙোস্যে আর পূর্ণিমাত্ শিংগা বাজঅ;

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিরমিয় 10:2

লগেপ্রভু কোইয়্যেদে, “তুমি নানান্ জাদর্ আচার-বেবহার ন-শিখ্য, বা আগাজর্ নানান চিহ্নো দেগিনে ভাঙি ন-পোজ্য, যুনিয়ো নানান্ জাদে সিয়েনি দেগিনে ভাঙি পড়ন্।

যিরমিয় 31:35

যিবে দিনোত্ বেলানরে আর রেদোত্ চান্নোরে আর তারাগুনোরে পহ্‌র দিবাত্তে উগুম দে, যিবে সাগরানরে উলোত্ পালত্ গরে যেনে তার তুবোলুন গুজুরি উদে, যিবের্ নাঙান বেগত্তুন্ খেমতাবলা লগেপ্রভু, ‍‍‍‍‍‍‍‍‍‍‍

যিরমিয় 33:20

“মুই লগেপ্রভু কঙর্, দিন আর রেদ্ পৌইদ্যেনে মর্ যে সুদোমান আঘে সিয়েন যুনি ভাঙা যায় যেনে ঠিগ্ সময়োত্ রেদ্ বা দিন ন-অয়,

যিরমিয় 33:25

মাত্তর্ মুই লগেপ্রভু কঙর্, দিন আর রেদ পৌইদ্যেনে মর্ সুদোমান যেবাবোত্যে ভাঙা ন-যায়, আগাজ্ আর পিত্‌থিমীগান পৌইদ্যেনে মর্ সুদোমান যেন নিত্য ঠিগ্ থায়,

যিহিষ্কেল 46:1

মুই প্রভু লগেপ্রভু কঙর্, ভিদিরে উদোনর্ পূগেদি মু গুরি গেট্টো ছয়দিন কাম্ বন্ধ থেবঅ, মাত্তর্ জিরেবার দিনোত্ আর আঙোস্যে দিনোত্ সিবে খুলো অবঅ।

যিহিষ্কেল 46:6

আঙোস্যে দিনোত্ তাত্তুন্ এক্কো দামাড়া গোরু আর ছবুয়ো ভেড়া ছঅ আর এক্কো পাদা ভেড়া উৎসর্ব গরা পড়িবো; বেক্কুন যেন গম্ অন্।

যোয়েল 2:10

তারা মুজুঙোত্ পিত্‌থিমীগান গির্‌গিরেই, আগাজ্‌চানে গির্‌গিরেই, চানানে আর বেলানে আন্ধার্ ওই যায় আর তারাগুনে পহ্‌র দেনা বন্ধ গুরি দুয়োন্।

যোয়েল 3:15

বেলান্ আর চানান্ আন্ধার্ অবঅ আর তারাগুন পহ্‌‌‌র দেনা বন্ধ গুরি দিবাক্।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

মথি লেখ্যে গম্ হবর্ 2:2

“যিহূদীগুনোর যে রাজাবো জোর্মেয়্যে তে কুদু? পূগেদি আগাজত্ আমি তার্ তারাবো দেগিনে তারে জু জু জানেবাত্তে এচ্চ্যেই।”

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মার্ক 13:24

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো,

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।

ফগদাং পেইয়্যে 8:12

ইয়েনর পরেদি চের্-লম্বর স্বর্গদূত্‌তো তা তুরীবো বাজেল। সেক্কে বেলানর্ তিন ভাগর এক ভাগ, চানানর্ তিন ভাগর এক ভাগ আর তারাগুনোর তিন ভাগর এক ভাগ আন্ধার্ ওই গেলঅ। দিনোর তিন ভাগর এক ভাগত্ আর রেদোর্ তিন ভাগর এক ভাগত্ কনঅ পহ্‌র ন-থেলঅ।

ফগদাং পেইয়্যে 9:2

তারাবো সেই গভিন্ গাঢ্‌তো খুলিলো; সেক্কে দাঙর্ চুলোবোত্তুন্ যেধোক্ক্যেন গুরি ধূমো নিগিলে, ঠিগ্ সেধোক্ক্যেন গুরি সেই গাঢ্‌তোত্তুন্ ধূমো নিগিলে ধুরিলো। সেই গাঢ্‌তোর্ ধূমোলোই বেলান আর আগাজ্‌চান আন্ধার ওই গেলঅ,