গালাতীয় 6:9 - Chakma Bible

⁹ আমি যেন গম কাম গত্তে গত্তে অরান্ ন-ওই, কিয়া সিয়েন ইরি ন-দিইনে গরানাত্ থেলে আমি ঠিগ্ সময়োত্ সিয়েনর্ ফসল পেবং।

গালাতীয় 6:9 Iomraidhean Croise

পত্থম 29:7

যাকোবে কলঅ, “চঅ, বেলান ডুপ্পেগোই এজঅ বোউত্‌ দেরি আঘে। য়েমানুনে এক্‌ জাগাত্‌ এগত্তর্‌ অবার্‌ অক্ত এজঅ ন অয়। তুমি বরং তমা ভেড়াগুনোরে পানি হাবেইনে আরঅ চোরেবাত্তে নেযঅ।”

গীতসংহিতা 104:27

তারা বেক্কুনে তঅ মুয়ো কিত্তেন্দি চেই আগন্, যেনে ঠিগ্ সময়োত্ তুই তারারে হানা দুয়োচ্।

গীতসংহিতা 126:5

যিগুনে চোগো পানি ফেলেই ফেলে বীজ লাগান্ তারা হুজিয়ে রঅ ছাড়দে ছাড়দে খেত্‌খেত্তি কাবিবাক্।

গীতসংহিতা 145:15

আজালোই বেক্কুনে তন্দি চেই থান্; ঠিগ্ সময়োত তুই তারারে হানা দুয়োচ্।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

উপদেশক 11:1

তুই তঅ টেঙাগুন্ খাদা, কিত্তে ভালোক্ দিন পরেদি সিগুন আরঅ ফিরি পেবে।

যিরমিয় 45:3

তুই কোইয়োচ্, হায়! লগেপ্রভু মঅ পীড়ে উগুরে মরে দুঘ্ দিয়্যে; মুই ফবাদে ফবাদে বল্‌‍পোজ্যে ওইয়োং,জিরেন ন-পাঙর্।

সফনিয় 3:16

সেদিন্যে তরে কুয়ো অবঅ, “ও সিয়োনান্, তুই ন-দোরেচ্, তুই আজা ন-আরেজ্।

মালাখি 1:13

তুমি তুচ্ছো গুরিবার মনোভাব্‌‌‌পোই ইয়েন অ কোই থাগঅ, ‘ইয়েন কি জ্বালা!’ তুমি দঅ লুদেয়্যে, লেং আদুড়্ বা পীড়েই ধোজ্যে য়েমান্ আনিনে উৎসর্বর অনুষ্ঠানত্তে দুয়ো, মাত্তর্ সিয়েন কি মুই তমা আঢত্তুন্ নেযেই পারং? মুই লগেপ্রভু এ কধাগান কঙর্।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 24:13

মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

মথি লেখ্যে গম্ হবর্ 9:19

সেক্কে যীশু আহ্ তা শিচ্চ্যগুনে উদিনে তা সমারে গেলাক্।

মার্ক 3:3

যীশু সেই শুগুনো-আঢ্‌‌বলা মানুচ্চোরে কলঅ, “বেক্কুনো মুজুঙোত্ এইনে থিয়্যে।”

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 4:16

ইয়েনত্যে আমি আজা ন-আরেই। যুনিয়ো আমা বারেদি কিয়্যেগান ক্ষয় ওই যার্ তো আমা ভিদিরে মানুচ্চো দিনে দিনে নুয়ো ওই উদের্।

২ করিন্হীয় 9:6

মনত্ রাগেয়ো, যে কম্ বিজি সিদে তে কম্ ফসল কাবিবো আর যে বেশ্ বিজি সিদে তে বেশ্ ফসল কাবিবো।

ইফিষীয় 3:13

সেনত্যে মুই কোজোলি গরঙত্তে, তমাত্যে মুই দুঘ্-কষ্ট ভুগোঙর্ বিলিনে তুমি সাহচ্‌ ন-আরেয়ো, কিয়া সিয়েনি বেক্কানি তমার্ বাঈনী পেবাত্যে অর্।

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।

২ থিষলনীকীয় 3:13

ভেই-বোনলগ্, গম কামত্ অরান্ ন-ওয়ো।

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 12:5

গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।