গালাতীয় 6:4 - Chakma Bible

⁴ পত্তিজনে নিজোর কামান্ পোরোক্ষ্যে গুরি চাদোক্। সালে অন্য সমারে নিজোর্ তুলোনা ন-গুরিনে তা নিজোর্ কামত্যে তে দেমাগ্ গুরি পারিবো,

গালাতীয় 6:4 Iomraidhean Croise

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

গীতসংহিতা 26:2

ও লগেপ্রভু, তুই মরে খাটি বিলিনে প্রমান গর্; মরে যগা চাহ্, আর মঅ মনান্ আর মন চিন্তেগান নিগিলেই ফেলা;

গম্ উপদেজ্ 14:14

অবিশ্বেজি মানুচ্চুন নিজোর আচার-বেবহারলোই হুজি অন্, মাত্তর্ গম্ মানুচ্চুনে নিজো আচার-বেবহারলোই আরঅ বেশ্ হুজি অন্।

লূকে লেখ্যে গম্ হবর্ 18:11

সেই ফরীশীবো থিয়্যেইনে নিজো পৌইদ্যেনে এ তবনাগান্ গুরিলো, ও গোজেন, মুই তরে ভালেদি জানাঙর্, মুই অন্য মানুচ্চুনো ধোক্ক্যেন্ দগাবাঁজি, অসৎ আর বেভিচেরি নয়; এমন্‌ কি, সে খাজানা-তুলিয়্যেবো ধোক্ক্যেন্অ নয়।

১ করিন্হীয় 11:28

সেই রুটি আর সেই গলচ্চোত্তুন্ হেবার আগেদি মানুচ্‌ নিজোরে পোরোক্ষ্যে গুরি চোক্;

১ করিন্হীয় 3:14

যে যিয়েন তুল্ল্যে সিয়েন যুনি ঠিগি থায় সালে তে বক্‌শিজ্ পেবঅ;

১ করিন্হীয় 3:8

যে বীজি লাগায় আর যে পানি দে তারার উদ্দেচ্চ্য এক্কুই, মাত্তর্ পত্তিজনে যার্ যার্ কাম মজিম বক্‌শিজ্ পেবাক্,

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

গালাতীয় 6:13

যিগুনোরে চুনু মাঢা কাবানা ওইয়্যে সিগুনেয়ো দঅ রীতি-সুদোম্ পালন ন-গরন্। তো তারা তমারে চুনু মাঢা কাবি দিবার চান্ যেন ইয়েন কোইনে দেমাগ্ দেগেই পারন্, তুমিয়ো তারার্ দলত এচ্চ্য।

ফিলিপীয় 1:26

সেনত্যে তমা ইধু মর্ আরঅ এজানার্ কারনে তুমি খ্রীষ্ট যীশুর্ মাধ্যমে মল্লোই হুজিয়ে পেলাং বেঈ পড়িবা।