গালাতীয় 6:10 - Chakma Bible

¹⁰ জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

গালাতীয় 6:10 Iomraidhean Croise

গীতসংহিতা 37:27

ভান্ন্যেয়ানি ছাড়ি দুয়ো আর গম্ কাম গরঅ, সেক্কে জিংকানিবর্ বাঁজি থেবে।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গম্ উপদেজ্ 3:27

যিগুনে উপকার পেবার যগাজ্যে তারারে উপকার গুরিবার খেমতা যেক্কে তঅ আঢত্ থেবঅ সেক্কে সিয়েন গত্তে তুই অস্বিগের ন-গুরিচ্।

উপদেশক 3:12

মুই হবর্ পাং, মান্‌জ্য জিংকানিত্ হুজি আর গম কাম্ গরানা বাদে তাত্তেই আর গম্ কিচ্চু নেই।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 5:43

তুমি শুন্ন্যদে, কুয়ো ওইয়্যে, তঅ পাড়াল্ল্যেগুনোরে কোচ্‌পেবে আর শত্রুরে ঘিনেবে।

মার্ক 3:4

সে পরেদি তে মানুচ্চুনোরে পুযোর্ গুরিলো, “জিরেবার দিনোত্ কিজু গরানা আমা সুদোমে কি কয়? সিয়েন কি সাহায্য না কি ক্ষতি? জিংকানিগান রোক্ষ্যে গরানা উচিত, না ভস্ত গরানা উচিত?” মাত্তর্ তারা কনঅ কিজু ন-কলাক্।

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।

প্রেরিত্‌ 6:7

এবাবোত্যেগুরি গোজেনর কধানি ছিদি পড়া ধল্ল, আর যিরূশালেমত্ শিচ্চ্যগুন্ জনেদি বোউত্ বাড়িলাক্ আর ধর্মগুরুগুনো ভিদিরে ভালোক্ জনে খ্রীষ্টীয় ধর্ম-বিশ্বেজ্‌চানরে মানি ললাক্।

২ করিন্হীয় 2:8

সেনত্যে মুই বিশেষ গুরিনে তমারে কোজোলি গরঙর্, তারে যে তুমি কোচ্‌পঅ সিয়েন প্রমাণ গুরি দেগঅ।

গালাতীয় 1:23

তারা বানা এ কধাগান্ শুন্ন্যন্, “যে মানুচ্চো আমা উগুরে অত্যেচার গত্ত তে ইক্কিনে খ্রীষ্ট উগুরে বিশ্বেজর্ কধা প্রচার গরের্, অদচ সিয়েন তে আগে ভস্ত গুরিবাত্যে চেইয়্যে।”

ইফিষীয় 2:19

ইয়েনত্যে তুমি আর্ ন-চিন্ন্যেয়ো নয়, বিদেশিয়ো নয়, মাত্তর্ গোজেনর্ মানুচ্চুনো সমারে তুমিয়ো তা রেজ্যর্ আর তা পরিবারর্ মানুচ্ ওইয়ো।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

ইফিষীয় 5:16

তমা আঢে গম কাম গুরিবার যে জু আঘে সিয়েন পুরোপুরি গুরিনে কামত্ লাগঅ; কিয়া এ কাল্লো গম নয়।

ফিলিপীয় 4:10

প্রভু মরে ভারী হুজি গোজ্জ্যে, কিয়া ভালোক্ দিন বাদে তুমি আরঅ মত্যে চিন্তে গরর্। খালিক্ মত্যে নিত্য তমার্ চিন্তে এলঅ, মাত্তর্ সিয়েন তুমি দেগেবার্ জু ন-পঅ।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

১ থিষলনীকীয় 5:21

যিয়েন গম সিয়েন ধুরি রাগেয়ো,

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

১ পিতর 4:17

বিচের আরাম্ভ অবার সময় ওইয়্যে আর সিয়েন গোজেন পরিবারর্ মানুচ্চুনোত্তুন্ ধুরি আরাম্ভ গরা অবঅ। আর যুনি সেই বিচেরান আমাত্তুন্ ধুরি আরাম্ভ গরা অয় সালে যিগুনে গোজেনর্ দিয়্যে গম হবরান মানি ন-লন্ তারার অবস্থা কি অবঅ?

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

৩ যোহন 1:10

সেনত্যে তে যিয়েনি গরের্ মুই এযানার্ পরেদি সিয়েনি বেক্কুনোরে জানেম। তে আমা বিরুদ্ধে ইংসে গুরিনে বোউত্ মিজে কধা কোইয়্যে। সিয়েনিলোইও সুগি ন-ওইনে তে নিজেয়ো ভেইয়ুনোরে মানি ন-লয় আর যিগুনে তারারে মানি লবাত্যে চাদন্ তারারেয়ো মানা গরের্ আহ্ মন্ডলীত্তুন্ নিগিলেই দের্।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।

৩ যোহন 1:3

মুই ভারী হুজী অলুং যেক্কে কয়েক্কো বিশ্বেজি ভেই এইনে তঅ পৌইদ্যেনে এ সাক্ষিগান দিলাক্, গোজেন সত্যগান উগুরে তুই বিশ্বেজি আঘচ্ আর তা সমারে চলর্।