গালাতীয় 5:3 - Chakma Bible

³ মুই বেক্কুনো ইধু আরঅ এ সাক্ষ্যগান্ দোঙর্, যিবের চুনু মাঢা কাবা অয় তে বেক্‌ রীতি-সুদোমানি পালাদে বাধ্য।

গালাতীয় 5:3 Iomraidhean Croise

নহিমিয় 9:34

আমা রাজাগুনে, নেতাগুনে, ধর্মগুরুগুনে আর আমা পূরোণিমানুচ্চুনে তর্‌ রীদি-সুদোমানি মানি ন-চলন্‌; তর্‌ উগুম্‌ বা উজিয়ার্‌ কধা তারা ন-শুনোন্‌।

মথি লেখ্যে গম্ হবর্ 23:16

অভিশাব্ পোড়োক্ তমার্! তুমি নিজে কান্ অদচ অন্যগুনোরে পথ্ দেগঅ। তুমি কোই থাগঅ, উবোসনা-ঘর নাঙে কেঅ শমক্ হেলে সেক্কে কিচ্চু ন-অয়, মাত্তর্ যুনি কেঅ উবোসনা-ঘরর্ সনাগান নাঙে শমক্ হান্ সালে তে সেই শমক্কান্দোই বানা পড়ে।

মথি লেখ্যে গম্ হবর্ 23:18

তুমি আরঅ এই কধাগান্ কোই থাগঅ, পূজো নাঙে কেঅ শমক্ হেলে কিচ্চু ন-অয়, মাত্তর্ যুনি কেঅ সেই পূজোবো উগুরে যে দান্ আঘে সিয়েন নাঙে শমক্ গরে তে সেই শমথ্‌তান্দোই বানা পড়ে।

লূকে লেখ্যে গম্ হবর্ 16:28

যেন তে মর্ পাচ্চো ভেইয়োরে উজিয়ার্ গুরি পারে; সিয়েন্ ন-গল্ল্যে তারায়ো দঅ এ দুঘো জাগাত্ এবাক্।

প্রেরিত্‌ 15:1

যিহূদীয়া রেজ্যত্তুন্ কয়েক্কো মানুচ্‌ সিরিয়া দেজর্ আন্তিয়খিয়াত্ এলাক্ আর বিশ্বেজি ভেইয়ুনোরে ইয়েন কোইনে শিক্ষ্যে দিয়্যে ধুরিলাক্, “মোশির রীতি-সুদোম মজিম্ তমার চুনুগুলো মাঢাবো কাবা ন-অলে তুমি কনঅ বাবদে পাপত্তুন্ উদ্ধোর্ পেই ন-পারঅ।”

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

রোমীয় 2:25

তুই যুনি রীদি-সুদোম মানি চলচ্ সালে চুুুনু মাঢাবো চামান কাবানার্ দামান্ আঘে; মাত্তর্ যুনি রীদি-সুদোম ন-মানচ্ সালে চুনু মাঢাবো চামান কাবিলেয়ো গোজেন ইধু তুই চুনু মাঢাবো চামান ন-কাপ্যে মান্‌জ্য ধোক্ক্যেন্।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

গালাতীয় 5:2

মুই পৌল তমারে কঙর্, শুনো-যুনি তমার চুনু মাঢা কাবানা অয় সালে তমা ইধু খ্রীষ্টর্ কনঅ দাম নেই।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”

দ্বি’লম্বর বিররণ 8:19

যুনি তুমি কনদিনঅ তমা গোজেন লগেপ্রভুরে ভুলি যেইনে দেব-দেবেদাগুনোর্‌ পিজেন্দি যঅ আর তারারে সেবা আর পূজো গরঅ, তো এচ্চ্যে মুই তমা বিরুদ্ধে এ কধাগান্‌ জদবদে গুরি কঙত্তে, তুমি ভস্ত ওই যেবা।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।