গালাতীয় 5:21 - Chakma Bible

²¹ ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

গালাতীয় 5:21 Iomraidhean Croise

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

দ্বি’লম্বর বিররণ 21:20

তারা সে বুড়ো নেতাগুনোরে কবাক্কে, আমার এ পূঅবো অমকদ একবুস্যে আর শাজন ন-মানিয়ে; তে আমারে অগ্রাজ্য গুরি চলে। তে মাত্তল্ আর টেঙা-পৌইজ্যে উড়েই দে।

কলসীয় 3:6

যিগুনে গোজেনর্ অবাধ্য তারা উগুরে ইয়েনি বেক্কানির্ কারনে গোজেনর্ সাজা লামি এজের্।

১ থিষলনীকীয় 5:7

যিগুনে ঘুম যান্ তারা রেদোত্ ঘুম যান্, আর যিগুনে মাত্তল্ অন্ তারা রেদোত্ মাত্তল্ অন্।

২ থিষলনীকীয় 2:5

মুই যেক্কে তমা ইধু এলুং সেক্কে এই বেক্‌ কধানি যে তমারে কোদুং, সিয়েনি কি তমার মনত্ ন-পরে?

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।