গালাতীয় 5:18 - Chakma Bible

¹⁸ যুনি তুমি পবিত্র আত্মালোই পরিচালিত অ সালে তুমি রীতি-সুদোমর্ অধীনোত্ নয়।

গালাতীয় 5:18 Iomraidhean Croise

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

যোহন 16:13

মাত্তর্ সেই সত্যর্ আত্মাগান্ যেক্কে এবঅ সেক্কে তে তমারে পধ দেগেইনে পুরোপুরি সত্যত্ নেযেব। তে নিজোত্তুন্ কধা ন-কবঅ, মাত্তর্ যিয়েনি শুনে সিয়েনি কবঅ, আর যিয়েনি ঘুদিবো সিয়েনি তে তমারে জানেব।

রোমীয় 7:4

ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।

রোমীয় 8:12

সেনত্তে ভেইলগ্, আমি কজ্জ তলাত্, মাত্তর্ সেই কজ্জগুন্ পাপ-খাচ্চ্যদ ইধু নয়। পাপ-খাচ্চ্যদর্ অধীন্ ওইনে আর আমার চলিবার্ দরকার্ নেই।

রোমীয় 8:14

কিয়া যিগুনে গোজেনর্ আত্মার্ পরিচালনায় চলন্ সিগুনে গোজেনর্ পুয়ো।

গালাতীয় 5:16

মুই যিয়েন কঙর্ সিয়েন এবাবোত্যে-তুমি পবিত্র আত্মার্ অধীনোত্ আঢাউদো গরঅ। সিয়েন গুরিলে তুমি পাপ-খাচ্চ্যদর্ আওজ্‌চান পূরেই ন-পারিবা।

গালাতীয় 5:23

নম্র আর নিজোরে দঙানা। ইয়েনির্ বিরুদ্ধে কনঅ আইন নেই।

গালাতীয় 5:25

আমি যুনি পবিত্র আত্মার্ মাধ্যমে জিংকানি পেই থেই সালে এজঅ, আমি পবিত্র আত্মার্ অধীনে আঢাউদো গুরিই।

১ তীমথিয় 1:9

আমি ইয়েন্অ কোই পারিই, কনঅ সৎ মান্‌জ্যত্যে এ আইন-কানুনানি দিয়্যে ন-অয়; সিয়েনি দিয়্যে ওইয়্যেদে তারাত্যে যিগুনে আইন অমান্য গরন্ আর অবাধ্য অন্, যিগুনে ভক্তিনেইয়্যে আর পাপী, যিগুনে অপবিত্র আর অধার্মিক, যিগুনে বাপ্-মারে মারে ফেলান, যিগুনে খুন্ গরন,

২ তীমথিয় 1:7

গোজেনে আমারে দরর্ মনভাব্ ন-দে; তে আমারে এমন্‌ মনভাব দিয়্যে যিয়েন ভিদিরে খেমতা, কোচ্‌পানা আর নিজোরে দোঙেই থবার্ খেমতা আঘে।