গালাতীয় 5:16 - Chakma Bible

¹⁶ মুই যিয়েন কঙর্ সিয়েন এবাবোত্যে-তুমি পবিত্র আত্মার্ অধীনোত্ আঢাউদো গরঅ। সিয়েন গুরিলে তুমি পাপ-খাচ্চ্যদর্ আওজ্‌চান পূরেই ন-পারিবা।

গালাতীয় 5:16 Iomraidhean Croise

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

রোমীয় 6:12

ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

গালাতীয় 3:17

মঅ কধাগানর্ অত্তগান্ অলঅ, গোজেনে অব্রাহামর্ সময়োত্ এক্কান এগেম্‌বলা বেবস্থা থিদেবর্ গোজ্জ্যে। সিয়েনর্ চের্‌শ ত্রিশ বজর পরেদি রীতি-সুদোম্ দিয়্যে ওইয়্যে, মাত্তর্ সিয়েনিলোই আগর্ সেই বেবস্থাগান বাতিল ওই ন-গেলঅ; সেনত্যে সিয়েনর্ এগেমান থিগিই রলঅ।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

১ পিতর 1:14

গোজেনর্ বাধ্য পুয়ো-ছা ইজেবে তুমি তমার পুরোণি ভান্ন্যেই আওজ্ মজিম জিংকানি ন-কাদেয়ো; সেক্কে দঅ তুমি গোজেনরে ন-চিনিদা।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ পিতর 4:6

মরাগুনো ইধু দঅ সেনত্যে খ্রীষ্ট পৌইদ্যেনে গম হবর্ ফগদাং গরা ওইয়্যে, যেন কিয়্যেগান ইন্দিত্তুন্ মান্‌জ্য ধোক্ক্যেন বিচের অলেয়ো আত্মায় তারা গোজেন ধোক্ক্যেন জেদা থেই পারন।