গালাতীয় 5:14 - Chakma Bible

¹⁴ কিয়া বেক্‌ রীতি-সুদোমানি মিলিনে এক কধায় কুয়ো ওইয়্যে, “তর্ পাড়াল্ল্যেগুনোরে নিজো ধোক্ক্যেন কোচ্‌পেবে।”

গালাতীয় 5:14 Iomraidhean Croise

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

মার্ক 12:31

সে পরেদি দরকারী উগুমান্ অলঅ ইয়েন, ‘তঅ পাড়াল্যেগুনোরে নিজো ধোক্ক্যেন কোচ্‌‌পেবা।’ এ দ্বিয়েন উগুমোত্তুন্ দাঙর্ উগুম আর কিচ্চু নেই।”

মার্ক 12:33

আর বেক্ রিবেঙান্, বেক্ বুদ্ধিগান আর বেক্ বলান্দোই তারে কোচ্‌‌পানা আর পাড়াল্যেগুনোরে নিজো ধোক্ক্যেন কোচ্‌‌পানা য়েমান আহ্ অন্য বেক্ উৎসর্বত্তুন্ বোউত্ বেশ্ দরকারী।”

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।