গালাতীয় 5:11 - Chakma Bible

¹¹ ভেইলগ্, মুই যুনি এজঅ প্রচার গরং, মানুচ্চুনোরে চুনু মাঢা কাবানা উচিত সালে কিত্ত্যে মরে এজঅ অত্যেচার্ গরা অর্? ক্রুশো উগুরে খ্রীষ্টর্ মরণর্ মানা দঅ সালে দূর্ ওই যেইয়্যে।

গালাতীয় 5:11 Iomraidhean Croise

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

প্রেরিত্‌ 16:3

পৌল তীমথিয়রে সমারে নিবাত্তে চেইয়্যে বিলি তারে সুন্নত গোরেল, কিয়া সেই জাগানিত্ যে যিহূদীগুনে থেদাক্ তারা কোই পারিদাক্ তীমথিয় বাপ্পো এক্কো গ্রীক।

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 15:30

আর কিত্ত্যেই বা আমি আমিঝে দজাত্ পুরির্?

গালাতীয় 2:3

মাত্তর্ অযিহূদী অলেয়ো মঅ সমাজ্যে তীতরে চুনু মাঢা কাবিবাত্যেই বাধ্য গরা ন-অয়।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

গালাতীয় 4:29

মাত্তর্ সেই সময়োত্ যিবের্ এনেবাদে জর্ম ওইয়্যে তে পবিত্র আত্মায় জর্ম ওইয়্যে মানুচ্চোরে অত্যেচার্ গোজ্জ্যে। আর ইক্কিনিয়ো সিয়েন অর্।

গালাতীয় 6:12

যিগুনে বারেদি নিজোরে গম্ দেগেবাত্যে চান্ সিগুনে চুনু মাঢা কাবিবাত্যে তমারে বাধ্য গত্তে চেষ্টা গত্তন্। খ্রীষ্টর্ ক্রুশোত্যে যেন তারা উগুরে অত্যেচার ন-এজে সেনত্যে তারা এধোক্ক্যেন্ গত্তন্।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।