গালাতীয় 5:10 - Chakma Bible

¹⁰ তমা পৌইদ্যেনে প্রভু উগুরে মর্ এ বিশ্বেজ্‌চান আঘে, তুমি আর অন্য কনঅ কধায় কান্ ন-পাদিবা। মাত্তর্ যে তমারে থির্ থেবাত্যে ন-দের্, তে যেই অদঅ সাৎ, তে তার পাওনা সাজা ভুগিবো।

গালাতীয় 5:10 Iomraidhean Croise

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

১ করিন্হীয় 5:5

সেক্কে সেই মানুচ্চোরে শদান আঢত্ দি দিয়্যে পরিবো, যেন তা কিয়্যেগান ভস্ত অয় মাত্তর্ আত্মাগান প্রভু যীশুর্ এবার্ দিনোত্ উদ্ধোর্ পায়।

২ করিন্হীয় 1:15

এ কধাগান যে সত্য সিয়েন কোই পারিনে মুই আগেই তমা ইধু যেম্ বিলিনে থিগ্ গোজ্জ্যং, যেন্‌ তুমি দ্বিবার আশিদ্‌বাদ পেই পারঅ।

২ করিন্হীয় 10:2

যিগুনে মনে গরন্ আমি সাধারন মান্‌জ্য ধোক্ক্যেন জিংকানি কাদের্, তারার্ বিরুদ্ধে যেত্তমান সাহস্ দেগানা মুই দরকার্ বিলিনে মনে গরং, মুই চাংগে যেন মুই এজানার্ পরেদি সেত্তমান্ সাহচ্‌ মত্তুন্ দেগা ন-পরে।

২ করিন্হীয় 10:6

যেক্কে তুমি পুরোপুরি বাধ্যতায় এবা সেক্কেয়ো যিগুনে অবাধ্য থেবাক্ তারারে আমি সাজা দিবাত্যে যুক্কোল্ অবং।

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

২ করিন্হীয় 2:3

যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 2:6

তমাত্তুন্ বেশ্ ভাগ্ মান্‌‌‌‌জ্যে মিলিনে তারে যে সাজা দুয়ো সিয়েনই তার্ যগাজ্যে ওইয়্যে।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

২ করিন্হীয় 7:16

মুই হুজি ওইয়োং, কারন বেক্কানি পৌইদ্যেনে মুই তমা উগুরে নির্ভর্ গুরি পারং।

২ করিন্হীয় 8:22

সিয়েন বাদে তারা সমারে আমি আমার্ অন্য আর এক ভেইয়োরেয়ো পাদের্। তে যে আয়োজি সিয়েন তে ভালোক্কানি পৌইদ্যেনে বোউত্ বার্ আমা ইধু প্রমাণ গোজ্জ্যে। ইক্কিনে তমা উগুরে তার্ ভারি বিশ্বেজ্ ওইয়্যে বিলি তে আরঅ আয়োজি ওইয়্যে।

গালাতীয় 1:7

আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

গালাতীয় 3:1

ও অবুঝ্ গালাতীয়গুন! কন্না তমারে যাদু গোজ্জ্যে? তমা ইধু দঅ গমেদালে প্রচার গরা ওইয়্যেদে যে, যীশু খ্রীষ্টরে ক্রুশোত্ দিয়্যে ওইয়্যে।

গালাতীয় 4:11

তমাত্যে মর্ ইয়েন দর্ লাগেত্তে, তমা ইধু অয়ত মুই মিজে মিজেই কাম্ গোজ্জ্যং।

গালাতীয় 4:17

সেই অন্য মানুচ্চুনে তমাত্যে আয়োজি ওইয়োন, মাত্তর্ সিয়েন কনঅ গম্ উদ্দেচ্চ্যত্যে নয়। তারা মঅ ইন্দিত্তুন্ তমারে ফিরেবাত্যে চান্, যেন তুমি তারা উগুরে আয়োজি অ।

গালাতীয় 4:20

মর্ এমন্‌ আয়োজ অত্তে যে, এ চিধিগান লেগানার্ বদলে মুই ইক্কিনে তমা ইধু লুমিনে তমা লগে কধা কং, কিয়া তমা পৌইদ্যেনে মুই কি গুরিম সিয়েন বুঝি ন-পারঙর্।

গালাতীয় 5:12

যিগুনে তমারে যাগুলুগোত্ ফেল্ল্যন, মুই চাং তারা যেন নিজোরে এক্কুবারে ফারগ্ গুরি ফেলান্।

গালাতীয় 5:7

তুমি দঅ ভারী গমেডালে চোল্ল্য; মাত্তর্ সত্যর্ বাধ্য অদে কন্না তমারে মানা গুরিলো?

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

ফিলিপীয় 3:15

ইয়েনত্যে আমি যিগুনে গম মানুচ্ আমাত্তুন্ সেই একই মনভাব থানা উচিত। আর যুনি কনঅ পৌইদ্যেনে তমার্ অন্য বাবোত্যে মনভাব থায় সালে গোজেনে তমারে সিয়েন্‌অ দেগেই দিবো।

২ থিষলনীকীয় 3:4

প্রভু সমারে এগত্তর্ বিলিনে তমা পৌইদ্যেনে আমার্ এ বিশ্বেজ্‌চান আঘে, আমি তমারে যে উগুমানি দিয়্যেই সেবাবোত্যেগুরি তুমি কাম্ গরর্ আর গরানাত্অ থেবা।

১ তীমথিয় 1:20

সেই মানুচ্চুনো ভিদিরে আঘন্ হুমিনায় আর আলেক্‌সান্দর। সেনত্যে মুই শদানর্ আঢত্ তারারে ইরি দুয়োং, যেন তারা এ শিক্ষ্যেগান পান, গোজেনরে অগমান্ গুরিবাত্যে নেই।

ফিলীমন 1:21

তুই মঅ কধানি মানি লবে কোই পারিনে মুই তইধু এ চিধিয়ান লেগঙর্। খালিক্ মুই কোই পারং, মুই যিয়েনি কঙর্ তুই সিয়েনত্তুন্-অ বেচ্‌ গুরিবে।