গালাতীয় 4:8 - Chakma Bible

⁸ আগে যেক্কেনে তুমি গোজেনরে ন-চিনিদা সেক্কে তুমি যিগুনোরে সেবা গুরিদা তারা আজলে কনঅ দেবেদা নয়।

গালাতীয় 4:8 Iomraidhean Croise

২ বংশধর 13:9

তুমি দঅ লগেপ্রভুর ধর্মগুরুগুনোর্‌, অত্তাৎ হারোণ পুয়োগুনোর্‌ আর লেবীয়গুনোরে ধাবেই দুয়ো আর অন্য দেজর্‌ জাদ্‌তুনো ধোক্ক্যেন নিজোত্তে ধর্মগুরুগুনোরে নেযেয়ো। ধর্মগুরু ইজেবে নিজোরে যুদো গুরিবাত্তে যে কনজনে এক্কো বলদ গোরু আর সাত্তো ভেড়া ছাগল আনে তেয়ই সে বেক্‌ দেবেদাগুনোর্‌ ধর্মগুরু ওই পারে যিগুনে গোজেন নয়।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যিরমিয় 10:25

যিদুক্কুন জাদে তরে স্বিগের্ ন-গরন, যিগুনে তরে ন-ডাগন, তারা উগুরে তঅ রাগ্‌‍‍‍কান ঢালি দে। তারা যাকোবরে পুরোপুরি ভস্ত গোজ্যন, তারা দেজ্‌‍‍‍চানরে ভস্ত গুরি দুয়োন।

যিরমিয় 16:20

মান্‌‍‍‍জ্যে কি নিজোত্তে দেব-দেবেদা বানেই পারন? যুনিয়ো বা সিয়েনি গরন সিগুন দঅ গোজেন নয়‍।”

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

যোহন 1:10

তে পিত্‌থিমীত্ এলঅ আর পিত্‌থিমীগান্ তা মাধ্যমে সৃট্টি ওইয়্যে, তো জগদর্ মানুচ্চুনে তারে ন-চিনিলাক্।

প্রেরিত্‌ 14:12

সেনত্তে মানুচ্চুনে বার্ণবা নাঙান্ দিলাক্ জেউস আর পৌলে কধা কোইয়্যে বিলিনে তা নাঙান্ দিলাক্ হের্মেস।

প্রেরিত্‌ 17:23

কিয়া মুই ঘুরি বেড়েবার্ অক্তত্ তমা উবোসনার্ জিনিস্‌‌‌চানি যেক্কে চাঙর্ সেক্কে এমন্‌ এক্কো পূজো দেগিলুং যিবে উগুরে লেগা আঘে, অচিনে দেবেদার্ নাঙে। তুমি ন-চিনিনে যিবের্ উবোসনা গরর্ তা পৌইদ্যেনে মুই তমা ইধু প্রচার গরঙর্।

রোমীয় 1:23

উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 12:2

তুমি কোই পারঅ, যেক্কে তুমি গোজেনর্ উবোসনা ন-গুরিদা সেক্কে এমন মূত্তিগুনো ইন্দি তমারে টানি নেযা অদঅ যিগুনে কধা কোই ন-পারন্।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 24:2

যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।