গালাতীয় 4:7 - Chakma Bible

⁷ সেনত্তে তুমি আর চাগর্ নয় বরং পুয়ো। তুমি যুনি পুয়ো ওই থাগঅ সালে গোজেনে যিয়েন দিবো বিলিনে এগেম্ গোজ্জ্যে তুমি সিয়েনর্ অধিকারী।

গালাতীয় 4:7 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

গীতসংহিতা 16:5

লগেপ্রভু, তুয়ই মর্ সোম্বোত্তি; তুয়ই মর্ তিরেজর্ পানি। মঅ ভাগ্যগান্ তঅ আঢত্ আঘে।

গীতসংহিতা 73:26

মর্ কিয়্যে আর মনান ক্ষয় ওই যেই পারে, মাত্তর্ গোজেনে মর্ মনানর্ বল্ আর মর্ উমরর্ সোম্বোত্তির ভাগ।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

আবিলেচ্ 3:24

মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।

গালাতীয় 4:31

ভেইলগ্, সালে দেগা যাত্তে, আমি চাগরাণির্ পুয়ো নয়, বরং আমি আজল্ মোক্কোর্ পুয়ো।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।