গালাতীয় 4:30 - Chakma Bible

³⁰ মাত্তর্ পবিত্র বোইবো কি কয়? পবিত্র বোইবো কয়,“চাগরাণিবো আর তা পুয়োবোরে যেন নিগিলেই দিয়্যে অয়, কিয়া চাগরাণিবোর্ পুয়োবো কনবাবদে স্বাধীন মোক্কোর্ পুয়োবো সমারে সোম্বোত্তির্ ভাগ্ পেই ন-পারে।”

গালাতীয় 4:30 Iomraidhean Croise

যোহন 8:35

চাগরে জনমভরা ঘরত্ ন-থায় মাত্তর্ পুয়োবো জনমান থায়।

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

রোমীয় 4:3

পবিত্র বোইবোত্ লেগা আঘে, “অব্রাহামে গোজেনর্ কধা বিশ্বেজ্ গুরিলো আর সেনত্তে গোজেনে তারে নিদ্দুজি বিলি মানি ললঅ।”

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

গালাতীয় 4:22

বোইবোত্ লেগা আঘে অব্রাহামর্ দ্বি'বে পুয়ো এলাক্, তারাত্তুন্ একজনর মা এলঅ এক্কো চাগরানি আর একজনর্ মা এলঅ অব্রাহামর্ আজল্ মোক্।

গালাতীয় 4:31

ভেইলগ্, সালে দেগা যাত্তে, আমি চাগরাণির্ পুয়ো নয়, বরং আমি আজল্ মোক্কোর্ পুয়ো।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?