গালাতীয় 4:25 - Chakma Bible

²⁵ হাগার আরব দেজর্ সিনাই মুড়োবোরে বুঝোয়। হাগার ইধুগোর্ যিরুশালেমর এক্কান ফোটু ধোক্ক্যেন্, কিয়া যিরূশালেমান তার্ পুয়ো-ছাগুনোরে নিইনে চাগরাণি ওইয়্যে।

গালাতীয় 4:25 Iomraidhean Croise

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

গীতসংহিতা 68:8

সেক্কে পিত্‌থিমীগান গির্‌গিরে উঠ্যে আর দেবাবো ঝড় দিয়্যে। ইয়েনি ওইয়্যেদে গোজেনর্ মুজুঙোত, সিনাইয়র সেই গোজেনর মুজুঙোত্, গোজেনর মুজুঙোত্, ইস্রায়েলর গোজেনর মুজুঙোত্।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”

প্রেরিত্‌ 1:11

“গালীলো মানুচ্চুন, ইধু থিয়্যেইনে আগাজ ইন্দি কিত্ত্যেই রিনি চেই আঘঅ? যিবেরে তমাত্তুন্ তুলি নেযা অলঅ সেই যীশুরে যেবাবোত্যে গুরি তুমি স্বর্গত্ যাদে দেগিলা সেবাবোত্যেগুরি তে ফিরি এবঅ।”

গালাতীয় 1:17

এন্‌ কি, যিগুনে মঅ আগেদি প্রচারক ওইয়োন মুই যিরূশালেমত্ তারা ইধুয়ো ন-যাং। সেক্কে মুই আরব দেজত্ যেইয়োং আহ্ যেরেদি আরঅ দামেস্ক শঅরত্ ফিরি এচ্চ্যং।

গালাতীয় 4:24

মুই আগারে-ইঙিদে ইয়েনি কঙর্। এ দ্বি'বে মিলে দ্বি'য়েন সুদোমরে বুঝোয়। এক্কান সুদোম সিনাই মূড়োবোত্তুন্ এচ্চ্যে আর সিয়েন তার্ অধীনোত্ মান্‌জ্যরে চাগর্ অবার পধেদি নেযার্। ইবে অলঅ সেই চাগরাণিবো হাগার।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

ইব্রীয় 12:18

যে জ্বোল্‌জোল্ল্যা মূড়ো ধরা যায় সেবাবোত্যে কনঅ মূড়ো কায়-কুরে তুমি ন-এজঅ। তুমি ঘুর্‌ঘুজ্জ্যে আন্ধার্ আর ঝড় বা কনঅ তূরীর্ রঅ আহ্ কধা রবোর্ কায়-কুরেয়ো ন-এজঅ। যিগুনে সেই কধানি শুন্ন্যন্ তারা কোজোলি গুরিনে কোইয়োন যেন তারা ইধু আর কিচ্চু কুয়ো ন-অয়,

বিচের গুরিয়্যেগুন 5:5

সেক্কে লগেপ্রভুর মুজুঙোত্‌ মোন্‌-মুড়োগুন্‌ গির্‌গিরে উদিলাক্‌, ইস্রায়েলর গোজেন লগেপ্রভুর মুজুঙোত্‌ সিনাই মুড়োবো গির্‌গিরে উদিলো।