গালাতীয় 4:19 - Chakma Bible

¹⁹ মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

গালাতীয় 4:19 Iomraidhean Croise

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

২ করিন্হীয় 12:14

মুই ইক্কিনে এই তিন বার তমা ইধু যেবাত্যে যুক্কোল্ ওই আঘং। মুই তমার্ লবাদোস্যে ন-ওম্, কিয়া মুই তমার্ কনঅ কিজু পেবাত্যে ন-চাং, তমারে পেবাত্যে চাং। পুয়ো-ছাগুনে যে তারার্ মা-বাবত্যে টেঙা-পৌইজ্যে জোমেবাক্ সিয়েন নয়, বরং পুয়ো-ছাগুনোত্যে টেঙা-পৌইজ্যে থুবোনা মা-বাব্‌পুনোর্ উচিত।

ইফিষীয় 4:13

ইয়েনর্ উদ্দেচ্চ্যগান অলঅ, আমি যেন বেক্কুনে গোজেন পুয়োবো উগুরে বিশ্বেজ্ গুরিনে আর তারে গমেডালে কোই পারিনে এক ওই; আর খ্রীষ্ট যেবাবোত্যে বেক্‌ গুণেদি ভরা, আমিয়ো যেন সেবাবোত্যেগুরি বেক্‌ গুণেদি ভরা ওইনে পেলেং পেলেং ওই। সেক্কে আমি আর চিগোন গুরো ধোক্ক্যেন ন-থেবং।

ইফিষীয় 4:24

আর গোজেনর্ দিয়্যে নুয়ো “মুই” নুয়ো কাবড় ধোক্ক্যেন উরো। সত্যর্ নিদ্দুজিগান আর পবিত্রতালোই এই নুয়ো “মুই” গোজেন ধোক্ক্যেন গুরি বানা ওইয়্যে।

ফিলিপীয় 1:8

খ্রীষ্ট যীশুর্ কোচ্‌পানা রিবেঙত্ থোইনে মুই যে তমারে কদক্ কোচ্‌পাং সিয়েনর গোজেনে সাক্ষী।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

ফিলিপীয় 2:5

খ্রীষ্ট যীশুর্ যে মনভাব্ এলঅ সিয়েন যেন তমা মনত্‌অ থায়।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

ফিলীমন 1:19

মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

১ যোহন 2:12

পুয়ো-ঝিগুন্, খ্রীষ্টত্যে তমা পাপ্পানি ক্ষেমা গরা ওইয়্যে বিলিনে মুই তমা ইধু লেগঙর্।

১ যোহন 5:21

পুয়ো-ছা লগ্, মূত্তি সমারে তমার কনঅ মিলেমিলি ন-থোক্।

৩ যোহন 1:4

মর্ পুয়ো-ছাগুনে যে গোজেনর্ সত্যর্ পধেদি চলদন্, এ কধাগান শুনোনাত্তুন্ বেশ্ গুরি হুজি অনা আর নেই।