গালাতীয় 4:18 - Chakma Bible

¹⁸ খালিক্ গম্ উদ্দেচ্চ্যত্যে আওজ্ থানা গম্। মুই যেক্কে তমা ইধু থাং বানা সেক্কে নয়, মাত্তর্ নিত্য আয়োজি থানা গম্।

গালাতীয় 4:18 Iomraidhean Croise

গীতসংহিতা 119:139

মঅ শত্রুগুনে তঅ কধানি ভুলি যেইয়োন্ বিলিনে তঅ সর্মানান রাগেবাত্তে অমকদ আওজ্ মর্ ওইয়্যে।

গীতসংহিতা 69:9

তঅ ঘরানত্তে মর্ যে গভিন কোচ্‌পানা, সেই কোচ্‌পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যোহন 2:17

সেক্কে পবিত্র বোইবোত্ লেগা এ কধাগান্ তা শিচ্চ্যগুনোর্ ইদোত্ উদিলো: তঅ ঘরানত্যে মর্ যে অমকদ কোচ্‌পানা, সে কোচ্‌পানাগানই মঅ মনানরে জ্বালেই তুলিবো।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

গালাতীয় 4:13

তুমি কোই পারঅ, মঅ কিয়্যেগান অসুগ্ এলঅ বিলিনে মুই পত্তম্ বার্ তমা ইধু গম্ হবর্ ফগদাং গুরিবার সুযোগ্ পেইয়োং।

গালাতীয় 4:17

সেই অন্য মানুচ্চুনে তমাত্যে আয়োজি ওইয়োন, মাত্তর্ সিয়েন কনঅ গম্ উদ্দেচ্চ্যত্যে নয়। তারা মঅ ইন্দিত্তুন্ তমারে ফিরেবাত্যে চান্, যেন তুমি তারা উগুরে আয়োজি অ।

গালাতীয় 4:20

মর্ এমন্‌ আয়োজ অত্তে যে, এ চিধিগান লেগানার্ বদলে মুই ইক্কিনে তমা ইধু লুমিনে তমা লগে কধা কং, কিয়া তমা পৌইদ্যেনে মুই কি গুরিম সিয়েন বুঝি ন-পারঙর্।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।