গালাতীয় 4:11 - Chakma Bible

¹¹ তমাত্যে মর্ ইয়েন দর্ লাগেত্তে, তমা ইধু অয়ত মুই মিজে মিজেই কাম্ গোজ্জ্যং।

গালাতীয় 4:11 Iomraidhean Croise

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

প্রেরিত্‌ 16:6

পবিত্র আত্মাগানে পৌল আর তা সমাজ্যেগুনোরে এশিয়া রেজ্যত্ প্রচার গুরিবাত্তে ন-দিলো। সেক্কে তারা ফরুগিয়া আর গালাতিয়া রেজ্যর্ বেক্‌ জাগানিত্ গেলাক্।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

গালাতীয় 4:10

তুমি বিশেষ বিশেষ দিন, মাস, ঋতু আর বজর্ পালন গরর্!

গালাতীয় 4:12

ভেইলগ্, মুই তমারে কোজোলি গরঙর্, তুমি মঅ ধোক্ক্যেন অ, কিয়া মুইয়ো তমা ধোক্ক্যেন ওইয়োং। তুমি মঅ উগুরে কনঅ অন্যেয় ন-গরঅ।

গালাতীয় 4:20

মর্ এমন্‌ আয়োজ অত্তে যে, এ চিধিগান লেগানার্ বদলে মুই ইক্কিনে তমা ইধু লুমিনে তমা লগে কধা কং, কিয়া তমা পৌইদ্যেনে মুই কি গুরিম সিয়েন বুঝি ন-পারঙর্।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।