গালাতীয় 3:8 - Chakma Bible

⁸ পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

গালাতীয় 3:8 Iomraidhean Croise

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

পত্থম 18:18

অব্রাহাম আর তা বংশর্‌ মানুচ্চুনো ভিদিরেত্তুন দঅ এক্কো দাঙর্‌ খেমতাবলা জাদ অবঅ আর সে জাদ ভিদিরেন্দি দঅ পিত্‌থিমীর্‌ বেক্‌ জাদতুনে বর্ পেবাক্।

পত্থম 22:18

তঅ বংশগুনো ভিদিরেন্দি পিত্‌থিমীর বেক্‌ জাদতুনে বর্ পেবাক্। তুই মঅ উগুমান্‌ পালেয়োচ্‌ বিলিনে সিয়েন্‌ অবঅ।”

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিশাইয় 65:9

মুই যাকোবত্তুন আর যিহূদাত্তুন এক্কো গুট্টি তুলিম; তারা মর্ মুড়ো-মুড়িগুনোর অধিকারি অবাক্। মর্ বেঈ লোইয়্যে মানুচ্চুনে সিয়েনি অধিকার গুরিবাক্ আর মঅ চাগরুনে সিদু বজত্তি গুরিবাক্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যোহন 19:37

আরঅ বোইবোর্ আর এক্কান্ কধা ইয়েন-“যিবেরে তারা গুদেয়োন্ তান্দি তারা রিনি চেবাক্।”

যোহন 7:38

যে মঅ উগুরে বিশ্বেজ্ গরে, পবিত্র বোইবোর্ কধা মজিম্ তা মনত্তুন্ জেদা পানির গাঙ্ বেঈ যানাত্ থেবঅ।”

যোহন 7:42

পবিত্র বোইবো কি ন-কয়, দায়ূদে যে আদামত্ থেদঅ সেই বৈৎলেহমত্ আর তা বংশত্ মশীহ জোর্মেব?”

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

গালাতীয় 3:16

অব্রাহাম আর তার্ গুট্টিগুনো ইধু গোজেনে এগেম্ গোজ্জ্যে। পবিত্র বোইবো ন-কয়, “গুট্টিগুনো ইধু,” অত্তাৎ ভালোক্ গুট্টি ইধু, বরং কোইয়্যেদে, “তর্ গুট্টিগুনো ইধু,” অত্তাৎ এক্কো গুট্টি ইধু, আর সেই গুট্টিগুনোর্ বংশ অলঅ খ্রীষ্ট।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

গালাতীয় 4:30

মাত্তর্ পবিত্র বোইবো কি কয়? পবিত্র বোইবো কয়,“চাগরাণিবো আর তা পুয়োবোরে যেন নিগিলেই দিয়্যে অয়, কিয়া চাগরাণিবোর্ পুয়োবো কনবাবদে স্বাধীন মোক্কোর্ পুয়োবো সমারে সোম্বোত্তির্ ভাগ্ পেই ন-পারে।”

ইব্রীয় 4:2

ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।