গালাতীয় 3:5 - Chakma Bible

⁵ গোজেনে কিত্যে তমারে পবিত্র আত্মা দিয়্যে আর তমা ইধু এদক্ আমক্ অবার কাম্ গোজ্জ্যে সিয়েন ভাবি চঅ। তুমি রীতি-সুদোম্ পালর্ বিলিনে কি তে ইয়েনি বেক্কানি গোজ্জ্যে, নাহি গম্ হবর্ শুনিনে বিশ্বেজ্ গোজ্জ্য বিলিনে গোজ্জ্যে?

গালাতীয় 3:5 Iomraidhean Croise

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

রোমীয় 10:17

সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

২ করিন্হীয় 12:12

বোউত্ ধৈজ্জ্য ধুরিনে তমা ইধু নানান্ বাবোত্যে মহৎ আর আমক্ অবার্ কাম গুরিনে মুই নিজোরে এক্কো প্রচারক বিলিনে প্রমাণ গোজ্জ্যং।

২ করিন্হীয় 13:3

কিয়া খ্রীষ্ট যে আমা মাধ্যমে কধা কর্ সিয়েনর্ প্রমাণ তুমি চর্। তে তমা পৌইদ্যেনে মন্‌মরা নয়, বরং তার খেমতাগান্ তে তমা ইধু দেগায়।

২ করিন্হীয় 3:8

যুনি এ বেবস্থাগানর্ ফলে এদক মহিমাভরা ওই পারে, সালে পবিত্র আত্মার্ কামর ফল কি আরঅ মহিমাভরা ন-অবঅ?

২ করিন্হীয় 9:10

যিবে চাষাবলাবোত্যে বিজি আর হানাত্যে রুটি যোগেই দে তে তমারে সিদিবাত্যে বীজ্-অ যোগেব আর তার্ পরিমাণান্ বাড়েই দিবো। আর তে তমার্ গম কামর্ ফল বোউত্ দিবো।

গালাতীয় 3:2

মুই বানা তমাত্তুন্ জানিবাত্যে চাং, তুমি রীতি-সুদোম্ পালেইনে কি পবিত্র আত্মারে পেইয়ো, না গম হবর্ শুনিনে বিশ্বেজ্ গুরিনে পেইয়ো?

ফিলিপীয় 1:19

কিয়া মুই কোই পারং, মঅ উগুরে যিয়েন ঘোট্যে সিয়েনর্ শেষ্ ফল অবঅ মর্ উদ্ধোর্; আর সিয়েন তমার তবনালোই আর যীশু খ্রীষ্টর্ আত্মার সাহায্যলোই অবঅ।