গালাতীয় 3:13 - Chakma Bible

¹³ রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

গালাতীয় 3:13 Iomraidhean Croise

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ শমূয়েল 18:10

এক্কো মান্‌জ্যে সিয়েন দেগিনে যোয়াবরে যেইনে কলঅ, “মুই ইক্কিনে দেগিলুং অবশালোমে এক্কো এলোন গাজত্‌ টাঙেয়্যে রোইয়্যে।”

২ শমূয়েল 21:3

দায়ূদ গিবিয়োনীয়গুনোরে পুযোর্‌ গুরিলো, “মুই তমাত্তে কি গুরিম? কেধোক্ক্যেন গুরি মুই ক্ষতিপূরণ গুরি পারং যেনে তুমি লগেপ্রভুর সোম্বোত্তিগানি ইস্রায়েলীয়গুনোরে বর্ দুয়ো।”

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইষ্টের 9:14

রাজা সিয়েন্‌ গুরিবাত্তে উগুম দিলো। শূশনত্‌ রাজার সেই উগুমান ফগদাঙ্‌ গরা অলঅ আর মানুচ্চুনে হামনর দোশ্‌চো পূঅরে ফাসি দিলাক্‌।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মথি লেখ্যে গম্ হবর্ 27:5

সেক্কে যিহূদা সেই রূবোর্ টেঙাগুন্ নিইনে উবোসনা-ঘর ভিদিরে মেলা মারিনে গেলগোই আর ফাঁস হেইনেই মুরিলো।

প্রেরিত্‌ 5:30

যিবেরে তুমি ক্রুশোত্ টাঙেইনে মারে ফেল্ল্য আমা পূরোণি মানুচ্চুনোর গোজেন সেই যীশুরে মরণত্তুন্ জেদা গুরি তুল্ল্যে।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

গালাতীয় 4:5

যেন রীতি-সুদোমর্ অধীনোত্ থেইয়্যে মানুচ্চুনোরে তে উদ্ধোর্ গুরি পারে, আর গোজেনর্ পুয়ো ইজেবে আমারে মানি লোই পারে।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।