গালাতীয় 3:11 - Chakma Bible

¹¹ সিয়েন বাদে ইয়েন্অ গমেদালে দেগা যাত্তে যে, রীতি-সুদোম্ পালেবাত্যে গোজেনে কাররে নিদ্দুজি বিলিনে মানি ন-লয়, কিয়া পবিত্র বোইবোর্ কধামজিম, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।” বিশ্বেজ্ লগে রীতি-সুদোমর্ কনঅ মিল্ নেই।

গালাতীয় 3:11 Iomraidhean Croise

১ রাজাবলী 8:46

তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,

ইয়োব 40:4

“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

ইয়োব 9:3

কনজনে যুনি তা লগে তর্কাতর্কি গুরিবাত্তে চান্‌, মাত্তর্‌ তে আজারান্‌ পুযোর্‌ গুরিলেয়ো তে এক্কান্‌অ জোব্‌ দি ন-পারিবো।

গীতসংহিতা 143:2

তর্ এ সেবাগুরিয়্যেবোর বিচের ন-গুরিচ্, কিত্তে তঅ চোগেদি কনঅ প্রাণী নিদ্দুযি নয়।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।