গালাতীয় 3:10 - Chakma Bible

¹⁰ পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

গালাতীয় 3:10 Iomraidhean Croise

পত্থম 4:11

ভূইয়ানে যেক্কে তঅ আঢত্তুন্ তঅ ভেইবোর্ লোগান গুজি লবাত্তে মুয়োন খুল্যে সেক্কে ভূইয়োর অভিশাপ্‌পানই তঅ-উগুরে পড়িলো।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

রোমীয় 4:15

কারন রীদি-সুদোম গোজেনর্ সাজাগানরে ডাগি আনে। আর সত্যগান কধে কি, যিয়েনত্ রীদি-সুদোম নেই সিয়েনত্ রীদি-সুদোম অমান্য গুরিবার প্রশ্নয়ো নেই।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

২ করিন্হীয় 3:7

পাত্তরত্ লেগা যে বেবস্থাগানর্ ফলে মরণান্ এজে সেই বেবস্থাগান দিবার্ সময়োত্ গোজেনর্ মহিমাগান ফগদাং ওইয়্যে। সেক্কে মোশির মুয়োন্অ গোজেনর্ মহিমালোই জ্বোল্‌জোল্ল্যে ওইয়্যে। সেই জ্বোল্‌জোল্ল্যেগান যুনিয়ো লারে লারে কুমি যার্ তো ইস্রায়েলীগুনে মোশির মুয়ো ইন্দি রিনি চেই ন-পারন্।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।