গালাতীয় 2:8 - Chakma Bible

⁸ তারা ইয়েন দেগিলাক্, কিয়া যিহূদীগুনো ইধু পিতরর্ প্রচারক-কামর পিজেদি যিবে এলঅ সেই গোজেনে অযিহূদীগুনো ইধু মর্ প্রচারক-কামর পিজেদিয়ো এলঅ।

গালাতীয় 2:8 Iomraidhean Croise

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

প্রেরিত্‌ 21:19

পৌলে তারারে ভালেদি জানেল আর তা প্রচারর্ মাধ্যমে গোজেনে কিবাবোত্যেগুরি অযিহূদীগুনো ইধু কাম্ গোজ্যে সিয়েনি এক্কান্ এক্কান্ গুরি কলঅ।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

প্রেরিত্‌ 8:17

সেক্কে পিতর আর যোহনে তারা উগুরে আঢ্‌‌‌তানি থলাক্, আর তারা পবিত্র আত্মাগান পেলাক্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 9:2

অন্যগুনে যুনি মরে প্রচারক্ বিলিনে স্বীগের্ নয়ো-গরন্ তো তুমি অন্তত: সিয়েন স্বীগের্ গুরিবা। তুমি যে প্রভুর্ মানুচ্‌ ওইয়ো সিয়েনই মর্ প্রচারক্-পদর্ প্রমাণ।

গালাতীয় 3:5

গোজেনে কিত্যে তমারে পবিত্র আত্মা দিয়্যে আর তমা ইধু এদক্ আমক্ অবার কাম্ গোজ্জ্যে সিয়েন ভাবি চঅ। তুমি রীতি-সুদোম্ পালর্ বিলিনে কি তে ইয়েনি বেক্কানি গোজ্জ্যে, নাহি গম্ হবর্ শুনিনে বিশ্বেজ্ গোজ্জ্য বিলিনে গোজ্জ্যে?

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।