গালাতীয় 2:7 - Chakma Bible

⁷ যাওক্, তারা দেগিলাক্, যিহূদীগুনো ইধু গম হবর্ প্রচার গুরিবার ভারান্ যেবাবোত্যে গুরি পিতর উগুরে দিয়্যে ওইয়্যে, সেবাবোত্যেগুরি অযিহূদীগুনো ইধু গম হবরান্ প্রচার গুরিবার ভারান্ গোজেনে মঅ উগুরে দিয়্যে।

গালাতীয় 2:7 Iomraidhean Croise

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

১ করিন্হীয় 9:17

যুনি মুই নিজোর্ আয়োজে প্রচার গরং সালে দঅ মঅ বক্‌‌শিষ্‌‌চান আঘে, আর যুনি নিজোর্ আয়োজে ন-য়ো গরং তো মঅ উগুরে সেই ভারান্ আঘে বিলিনে মুই সিয়েন গরং।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 1:18

ইয়েনর্ তিন বজর্ বাদে মুই পত্তম বার পিতর সমারে দেগা গুরিবাত্যে যিরূশালেমত্ যেইয়োং। আর সিধু তা সমারে পনর্ দিন এলুং।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 2:11

পিতরে যেক্কে সিরিয়া দেজর্ আন্তিয়খিয়াত্ এলঅ সেক্কে তা মুজুঙোত্ মুই আবিত্তি জানেলুং, কিয়া তে অন্যেয় গোজ্জ্যে।

গালাতীয় 2:14

মাত্তর্ মুই যেক্কে দেগিলুং, গম হবরর্ সত্যর্ লগে তারার্ কামর কনঅ মিল্ নেই সেক্কে মুই বেক্কুনো মুজুঙোত্ পিতররে কলুং, তুই যিহূদী ওইনেয়ো যেক্কে যিহূদী ধোক্ক্যেন গুরি ন-চলিনে অযিহূদীগুনো ধোক্ক্যেন চলর্ সেক্কে কেধোক্ক্যেন গুরিনে অযিহূদীগুনোরে যিহূদীগুনো ধোক্ক্যেন চলিবাত্যে বাধ্য গরর্ ?

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

১ থিষলনীকীয় 2:4

বরং যগাজ্জ্যে মনে গুরিনে গম হবর্ জানেবার ভারান্ গোজেনে আমা উগুরে দিয়্যে বিলিনে আমি সে ইজেবে কধা কোর্। মান্‌জ্যরে হুজী গুরিবাত্যে আমি এ কধানি ন-কোর্, মাত্তর্ যিবে আমার রিবেঙানি যাচাই গুরি চায় সেই গোজেনরে হুজি গুরিবাত্যে কোর্।

১ তীমথিয় 1:11

বাঈনী গরেদে গোজেনর্ দাঙর্ গম্ হবর্ মজিম যে শিক্ষ্যে, সেই শিক্ষ্যেগানই অলঅ সত্য শিক্ষ্যে। এ গম্ হবর্ প্রচারর্ ভারান্ তে মঅ উগুরে দিয়্যে।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

২ পিতর 3:15

মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।