গালাতীয় 2:21 - Chakma Bible

²¹ গোজেনর্ এই দোয়্যেগানরে মুই বাদ্ ন-দিম, কিয়া মানুচ্ যুনি রীতি-সুদোম্ পালানার্ মাধ্যমে গোজেনর্ মানি লোইয়্যে ওই পারে সালে খ্রীষ্ট মিজে মিজেই মোজ্জ্যে।”

গালাতীয় 2:21 Iomraidhean Croise

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

যিশাইয় 49:4

মাত্তর্ মুই কলুং, “মঅ কামান ন-ফলে; মুই ভান্ন্যেই আজালোই লাভ নেইয়্যে গুরি মঅ বলান্ ফেলেয়োং। তো মর্ যিয়েনি পাওনা সিয়েনি লগেপ্রভুর্ আঢত্ রোইয়্যে, আর মঅ বক্‌‍শিজচান গোজেন ইদু আঘে।”

যিরমিয় 8:8

“তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

মার্ক 7:9

যীশু তারারে আরঅ কলঅ, “গোজেনর্ উগুম বাদ্ দিইনে নিজোর সুদোমানি পালেবাত্তে গমেডালে গম্ পথ্‌তান্ তমার জানা আঘে।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

১ করিন্হীয় 15:14

আর খ্রীষ্টরে যুনি জেদা গরা ন-ওই থায় সালে আমার্ প্রচার-অ মিজে আর তমার বিশ্বেজ্-অ মিজে।

১ করিন্হীয় 15:17

যুনি খ্রীষ্টরে জেদা গরা ন-ওই থায় সালে তমার্ বিশ্বেজ্ নিষ্ফল আর এজঅ তুমি পাপ ভিদিরে পড়ি আঘঅ।

১ করিন্হীয় 15:2

যে কধাগান্ মুই তমা ইধু ফগদাং গোজ্জ্যং সিয়েন যুনি তুমি দরমর গুরি ধুরি রাগেই থাগঅ সালেই তুমি সেই গম্ হবরানর্ মাধ্যমে পাপত্তুন্ উদ্ধোর্ পর্-খালিক্ যুনি তমার বিশ্বেজ্‌চান বানা বারেদি ন-অয়।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 2:18

যে জিনিচ্চান্ মুই ভাঙি ফেল্ল্যং সিয়েন যুনি মুই আরঅ বানাং সালে দঅ মুই নিজেই নিজোরে দুষি বিলিনে প্রমাণ গরং।

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

ইব্রীয় 7:11

যিগুনে ধর্মগুরুর্ কাম গুরিদাক্ সেই লেবি গুট্টিগুনোর্ কামানি উগুরে ভর্ গুরিনে গোজেনে ইস্রায়েলীয়গুনোরে তার্ রীদি-সুদোমানি দিয়্যে। লেবি বংশর ধর্মগুরুগুনোর্ কামানিলোই যুনি পূরোগান লাভ গরা যেদঅ, সালে পত্তম লেবীয় ধর্মগুরু হারোণর্ বদলে মল্কীষেদক ধোক্ক্যেন অন্য আরেক্‌‌জন ধর্মগুরু এবার্ কি দরকার এলঅ?