গালাতীয় 2:16 - Chakma Bible

¹⁶ মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 2:16 Iomraidhean Croise

ইয়োব 25:4

সালে গোজেন ইদু মানুচ্চুনে কি নিদ্দুযি ওই পারন্? মিলেগুনো পেদত্তুন্ যে জর্মেয়্যে তে কি সোলিড্ ওই পারে?

ইয়োব 9:29

মরে যেক্কেনে দুযি বিলিনে ধরা অবঅ, সেক্কেনে কিত্তে মুই মিজে মিজে দুখ্‌ পেম্‌?

গীতসংহিতা 143:2

তর্ এ সেবাগুরিয়্যেবোর বিচের ন-গুরিচ্, কিত্তে তঅ চোগেদি কনঅ প্রাণী নিদ্দুযি নয়।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 3:30

কিত্যে গোজেনে দঅ বানা একজন। তে যিহূদীগুনোরে যেবাবোত্যেগুরি বিশ্বেজর্ মাধ্যমে নিদ্দুজি বিলি মানি লবঅ সেবাবোত্যেগুরি অযিহূদীগুনোরেয়ো মানি লবঅ।

রোমীয় 4:2

কামত্যে যুনি অব্রাহামরে নিদ্দুজি বিলি মানি নেযা অয় সালে দঅ তার্ দেমাগ্ গুরিবার কিজু আঘে। মাত্তর্ গোজেন মুজুঙোত্ তার্ দেমাগ্ গুরিবার কিচ্চু নেই।

রোমীয় 4:24

আমারেয়ো তাক্ গুরিনে লেগা ওইয়্যে। আমা বিশ্বেজত্তে গোজেনে আমারেয়ো নিদ্দুজি বিলি ধুরিবো, কারন যিবে আমা প্রভু যীশুরে মরণত্তুন্ জেদা গোজ্জ্যে আমি তা উগুরে বিশ্বেজ্ গুরিই।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

গালাতীয় 4:5

যেন রীতি-সুদোমর্ অধীনোত্ থেইয়্যে মানুচ্চুনোরে তে উদ্ধোর্ গুরি পারে, আর গোজেনর্ পুয়ো ইজেবে আমারে মানি লোই পারে।

গালাতীয় 5:4

তুমি যিগুনে রীতি-সুদোম্ পালেইনে গোজেনর্ মানি লোইয়্যে অবাত্যে চর্ তুমি দঅ খ্রীষ্টত্তুন্ জুদো ওই যেয়ো, গোজেন দোয়্যেত্তুন্ সুরি যেইয়ো।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।