গালাতীয় 2:15 - Chakma Bible

¹⁵ আমি যিহূদী, পাপী অযিহূদী ওইনে ন-জোর্মেই।

গালাতীয় 2:15 Iomraidhean Croise

মথি লেখ্যে গম্ হবর্ 9:11

সিয়েন দেগিনে ফরীশীগুনে যীশুর শিচ্চ্যগুনোরে কলাক্, “তমা মাষ্টর্‌বো খাজানা-তুলিয়্যে আর বজং মানুচ্চুনো সমারে হানা-দানা কিত্তে গরে?”

লূকে লেখ্যে গম্ হবর্ 24:7

তে কোইয়্যেদে, মান্‌জ্য পুয়োবোরে পাপী মানুচ্চুনো আঢত্ ধুরি দিয়্যে অবঅ। সে পরেদি তারে ক্রুশোত্ দিয়্যে অবঅ আর তিন দিনোত্ তাত্তুন্ আরঅ জেদা ওই উদো পুরিবো।”

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

গালাতীয় 2:17

“খ্রীষ্টর্ মাধ্যমে নিদ্দুজি বিলি গোজেনর্ মানি লোইয়্যে অবার্ চেষ্টায় যুনি দেগা যায়, অযিহূদীগুনো ধোক্ক্যেন আমিয়ো পাপী, সালে সিয়েনর্ অত্তগান্ কি ইয়েন, খ্রীষ্ট পাপর সেবা গরে? কনদিন্অ নয়।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

ফিলিপীয় 3:4

মুই খালিক্ সিয়েন গুরি পাত্তুং। যুনি কেঅ মনে গরে, আচার-অনুষ্ঠান উগুরে নির্ভর্ গুরিবার্ তার কারন আঘে সালে তে হবর্ পোগ্ যে, মর্ তাত্তুন্ বেশ্ আরঅ কারন আঘে।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

১ শমূয়েল 15:18

তে তরে এক্কান কামত্‌ পাদেয়্যে আর কোইয়্যেদে, ‘তুই যেইনে সেই পাপীগুনোরে, অত্তাৎ অমালেকীয়গুনোরে এক্কুবারে শেজ্‌ ন-অনা সং তারা সমারে যুদ্ধো গুরিবে।’