গালাতীয় 2:13 - Chakma Bible

¹³ আন্তিয়খিয়ার অন্য বিশ্বেজি যিহূদীগুনেয়ো পিতর সমারে এই ভন্ডামিত্ মিজেয়োন। এন্ কি, বার্ণবায়ো তারার্ ভন্ডামীত্যে ভুল্ পধেদি ঠেঙানি বাবেয়্যে।

গালাতীয় 2:13 Iomraidhean Croise

পত্থম 27:24

তো তে তারে আরঅ পুযোর্‌ গুরিলো, “তুই কি হামাক্কায়্‌ মর্‌ পুয়ো এষৌ?” যাকোবে কলঅ, “অয়্‌, বাবা।”

২ শমূয়েল 16:19

সিয়েন বাদে মুই কারে পুজিম্? তা পূঅবোরে নয় নি? মুই যেধোক্ক্যেন্ তঅ বাবরে পুজি এচ্যং সেধোক্ক্যেন তরেয়ো পুজিম্।”

ইয়োব 15:12

তঅ মনানে কিত্তে তরে দূরোত্‌ সরায়? তঅ চোগ্‌কুন কিত্তেই রাগে জুলি উদের্?

উপদেশক 10:1

মরা মাছিগুনে যেবাবোত্যেগুরি তুম্বাজ্ তেলানরে পযাবাজ্ গরন, সেবাবোত্যেগুরি এক্কেনা ভুলো জ্ঞানানরে আর সর্মানানরে পুযি ফেলায়।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

মথি লেখ্যে গম্ হবর্ 23:28

ঠিগ্ সেবাবোত্যেগুরি, বারেদি তুমি মানুচ্চুনো চোগোত্ ধার্মিক মাত্তর্ ভিদিরে ফক্করামী আর পাপে ভরা।

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

১ করিন্হীয় 12:2

তুমি কোই পারঅ, যেক্কে তুমি গোজেনর্ উবোসনা ন-গুরিদা সেক্কে এমন মূত্তিগুনো ইন্দি তমারে টানি নেযা অদঅ যিগুনে কধা কোই ন-পারন্।

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

১ করিন্হীয় 8:9

মাত্তর্ উজিয়ার্! যিগুনোর বিশ্বেজ্ নরম, তমার্ এই স্বাধীনতাগান তারা ইধু যেন পাপর্ কারন ন-অয়।

গালাতীয় 2:1

চৌদ্দ বজর্ পরে মুই বার্ণবা লগে আরঅ যিরূশালেমত্ গেলুং, আর তীতরেয়ো সমারে লোলুং।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।