গালাতীয় 1:9 - Chakma Bible

⁹ মুই যেধোক্ক্যেন আগেয়ো কোইয়োং সেধোক্ক্যেন গুরি ইক্কিনেয়ো আরঅ কঙর্, যে গম হবরান্ তুমি মানি লোইয়ো সিয়েনত্তুন্ যুদো কনঅ গম্ হবর্ যুনি কেঅ প্রচার গরন্ সালে তা উগুরে অভিশাব্ পোড়োক্।

গালাতীয় 1:9 Iomraidhean Croise

গম্ উপদেজ্ 30:6

তা কধানি সমারে অন্য কনঅ কধা ন-মিজেবা; মিজেলে তে তঅ দুষ্‌‌ছান দেগেই দিবো, আর তুই মিজে কধা কোইয়্যে বিলিনে প্রমান্ অবঅ।

যিরমিয় 23:16

বেগত্তুন খেমতাবলা লগেপ্রভু কোইয়্যেদে, “ভাববাদীগুনে যে কধা কদন সিয়েনি তুমি ন-শুন্য; তারা তমা মনত্ মিজে আশা জাগেয়োন। তারা লগেপ্রভুর মুয়োত্তুন শুনিনে কধা ন-কন বরং নিজোর মনেমনজক্কা দর্শনর কধা কন।

প্রেরিত্‌ 18:23

আন্তিয়খিয়াত্ কয়েক দিন কাদানার্ পরেদি তে সিধু লদ্ দিলো আর গালাতিয়া আর ফরুগিয়া রেজ্যর্ এক জাগাত্তুন্ অন্য জাগাত্ ঘুরি ঘুরি শিচ্চ্যগুনোরে বিশ্বেজ্ বাড়েইনে তারারে দরমর গুরিলো।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

২ করিন্হীয় 1:17

তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

ফিলিপীয় 3:1

জেরেদি কং, মর্ ভেইয়ুন, তুমি প্রভু লগে আঘঅ বিলিনে হুজি অ। তমা ইধু আরঅ একই কধা লেগদে মর্ কনঅ দুঘ্ ন-অর্, আর তমারে উজিয়ার্ গুরিবাত্যে সিয়েন গরানা গম্।

ফিলিপীয় 4:4

প্রভু সমারে মিজেয়ো বিলিনে তুমি নিত্য হুজি থাগঅ। মুই আরঅ কং, তুমি হুজী থাগঅ।