গালাতীয় 1:7 - Chakma Bible

⁷ আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

গালাতীয় 1:7 Iomraidhean Croise

যিরমিয় 23:26

আর কয়দিন এই ভাববাদীগুনে তারার মনর্ মিজেত্তুন মিজে কধা কবাক্?

যিরমিয় 23:36

মাত্তর্ তুমি যেন আর কনদিন্‌অ ন-কঅ, ‘লগেপ্রভুর কধাগান ইয়েন,’ কিত্তে পত্তি মানুচ্ নিজোর কধানরে গোজেনর কধা বানায়। এবাবোত্যেগুরি তুমি জেদা গোজেনর, তমা বেগত্তুন খেমতাবলা লগেপ্রভুর কধানি বেঙা গরঅ।”

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

গালাতীয় 1:6

খ্রীষ্টর্ দোয়্যেলোই যিবে তার্ নিজোর্ মানুচ্ অবাত্যে তমারে ডাক্ক্যে, তুমি এদক যাদিমাদি তারে ইরি দিইনে অন্য বাবোত্যে গম হবর্ ইন্দি লুঙি পোজ্য দেগিনে মুই আমক্ অঙর্।

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

গালাতীয় 4:17

সেই অন্য মানুচ্চুনে তমাত্যে আয়োজি ওইয়োন, মাত্তর্ সিয়েন কনঅ গম্ উদ্দেচ্চ্যত্যে নয়। তারা মঅ ইন্দিত্তুন্ তমারে ফিরেবাত্যে চান্, যেন তুমি তারা উগুরে আয়োজি অ।

গালাতীয় 5:10

তমা পৌইদ্যেনে প্রভু উগুরে মর্ এ বিশ্বেজ্‌চান আঘে, তুমি আর অন্য কনঅ কধায় কান্ ন-পাদিবা। মাত্তর্ যে তমারে থির্ থেবাত্যে ন-দের্, তে যেই অদঅ সাৎ, তে তার পাওনা সাজা ভুগিবো।

গালাতীয় 5:12

যিগুনে তমারে যাগুলুগোত্ ফেল্ল্যন, মুই চাং তারা যেন নিজোরে এক্কুবারে ফারগ্ গুরি ফেলান্।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

২ তীমথিয় 2:18

ইগুনে গোজেনর্ সত্যত্তুন্ দূরোত্ সুরি যেইয়োন। ইগুনে কন্, বিশ্বেজিগুনোর্ মরণত্তুন্ জেদা ওই উদোনা আগে ওই যেইয়্যে। ইগুনে কারঅ কারঅ বিশ্বেজরে বর্‌বাত্ গুরি ফেলেয়োন।

১ যোহন 2:26

যিগুনে তমারে ভান্ন্যেই পধেদি নেযেবার চেট্ট্যা গত্তন্ তারা পৌইদ্যেনে মুই তমা ইধু ইয়েনি বেক্কানি লিগিলুং।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 2:2

মুই তর্ কাম, গাম ঝরানা আর ধৈজ্জ্যর্ কধানি জানং। মুই কোই পারং তুই ভান্ন্যেই মানুচ্চুনোরে সোজ্জ্য গুরি ন-পারচ, আর যিগুনে দূত্ ন-ওইনেয়ো নিজোরে দূত্ বিলিনে দাবি গরন্ তারারে যগা চেইয়োচ্ আর তারা যে মিজে মাঢিয়্যে সিয়েনর্ প্রমানঅ পেইয়োচ্।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 2:6

মাত্তর্ এই এক্কান গুণ তর্ আঘে, নীকলায়তীয়গুনে যিয়েনি গরন সিয়েনি তুই ঘিনাচ্, আর মুইয়ো সিয়েনি ঘিনাং।