গালাতীয় 1:21 - Chakma Bible

²¹ সে পরেদি মুই সিরিয়া আর কিলিকিয়া ভিদিরে নানান্ জাগাত যেইয়োং।

গালাতীয় 1:21 Iomraidhean Croise

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 15:23

তারা সমারে এ চিধিগান পাধা অলঅ: আন্তিয়খিয়া, সিরিয়া আর কিলিকিয়ার অযিহূদী বিশ্বেজি ভেইয়ুনো ইধু আমি প্রচারক্কুনে আর মন্ডলী নেতাগুনে, অত্তাৎ তমা ভেইয়ুনে এ চিধিগান লিগির্। তমার্ ভালেদি ওক্‌।

প্রেরিত্‌ 15:41

পৌল সিরিয়া আর কিলিকিয়া ভিদিরেদি যেইনে বেক্‌ মন্ডলীগুনোর বিশ্বেজ্ বাড়েইনে তারারে আরঅ দরমর গুরি তুলিলো।

প্রেরিত্‌ 18:18

বেশ্ কয়েক দিন করিন্থ শঅরত্ কাদানার্ পরেদি পৌলে বিশ্বেজি ভেইয়ুনোত্তুন্ বিদেয় নিলো আর আকিলা আহ্ প্রিষ্কিল্লা সমারে পানি পধেদি সিরিয়া দেজত্ এলঅ। পৌলে এক্কান্ মানত্ গোজ্জ্যে বিলি লদ্ দিবার্ আগেদি কিংক্রিয়া বন্দরত্ তা মাধাবো মুরেল।

প্রেরিত্‌ 21:3

যেরেদি সাইপ্রাস দ্বীপ্‌পো দেগিনে সিবের্ দোগিণোদি ঘুরিনে আমি সিরিয়া দেজর্ সোর শঅরত্ যেইনে জাহাজত্তুন্ লামিলোং। সিধু আমার্ জাহাজর্ পযাপিরানি লামেবার্ কধা এলঅ।

প্রেরিত্‌ 21:39

সেক্কে পৌলে জোব্ দিলো, “মুই যিহূদী, কিলিকিয়া রেজ্যর্ তার্ষ শঅরর্ মানুচ্। মুই যে সেই শঅরর্ মানুচ্ নয়। দোয়্যে গুরিনে মরে মানুচ্চুনো ইধু কধা কবাত্তে দে।”

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 23:34

আজল্ শাসন গুরিয়্যেবো চিধিগান্ পড়িনে পৌলে কুদুগোর্ মানুচ্‌ সিয়েন পুযোর্ গুরিলো। পৌলে যে কিলিকিয়া রেজ্যর্ মানুচ্‌ সে কধাগান্ কোই পারিনে তে কলঅ,

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 9:30

বিশ্বেজি ভেইয়ুনে এ কধাগান শুনিনে তারে কৈসরিয়া শঅরত্ নেযেলাক্ আর যেরেদি তারে তার্ষ শঅরত্ পাধেই দিলাক্।